Á fimmta tug verkefna hjá lögreglu í nótt

Lögreglan á höfuðborgarsvæðinu sinnti rúmum fimmta tug verkefna í nótt, að því er kemur fram í fréttatilkynningu. Nokkur útköll voru vegna líkamsárása í miðborginni en í einu tilfellinu var manneskja slegin illa í andlitið og þurfti að gangast undir aðgerð á slysadeild vegna áverkanna.

Einn var handtekinn vegna annarra slagsmála á sama vettvangi, sem brutust út á meðan lögregla var á staðnum. Hann er í haldi lögreglu vegna málsins. Þá voru tveir handteknir í nótt grunaður um akstur undir áhrifum fíkniefna en annar reyndist einnig vera án ökuréttinda.