Skeljungur aftur á hlutabréfamarkað Hafliði Helgason skrifar 30. nóvember 2016 11:15 Skeljungur var í Kauphöll Íslands frá árinu 1994 til 2003. Félagið snýr nú aftur á skráðan hlutabréfamarkað að loknu almennu útboði sem lýkur í dag. Markaðsvirðið er á bilinu 13-14 milljarðar. Vísir/GVA Skeljungur verður skráður á markað í kjölfar útboðs sem lýkur í dag klukkan 16. Þetta verður eina nýskráning í Kauphöll Íslands á þessu ári og eftir skráningu verður Skeljungur annað olíufélagið í Kauphöll Íslands. Í raun má tala um endurkomu Skeljungs á markað fremur en nýskráningu, en félagið var skráð í kauphöll frá 1994 til 2003. Verðbil í A hluta útboðsins sem er 6,1 til 6,9 krónur á hlut, en í þeim hluta útboðsins gefst fjárfestum kostur á að kaupa fyrir fjárhæðir á bilinu 100 þúsund krónur upp í tíu milljónir. B hlutinn er ætlaður fagfjárfestum, en þar eru lágmarkskaup 10 milljónir króna.Langt frá síðustu skráninguTil sölu eru 23,3% af heildarhlutfé félagsins en seljendur áskilja sér rétt til að stækka útboðið í 31,5% af heildarhlutafé. Söluandvirði miðað við lágmarksverð yrði þrír milljarðar miðað við 23,3% og fjórir milljarðar kjósi seljendur að stækka útboðið. Mat sérfræðinga á markaði er að fagfjárfestar muni taka skráningunni opnum örmum. Langt er frá síðasta útboði og rými fyrir nýtt skráð félag í bókum fagfjárfesta. Þá séu þetta ekki háar fjárhæðir í samanburði við önnur félög á markaði, en markaðsvirði Skeljungs er á bilinu 13 til 14 milljarðar eftir því við hvaða verð í bilinu er miðað. Greiningaraðilar á markaði hafa metið virði félagsins á gengi í kringum sjö krónur á hlut. IFS greining metur hlutinn til að mynda á 6,9 sem er hámark útboðsgengis, en Landsbankinn metur félagið á 7,05 sem gefur afslátt í útboði frá 2,2% í efstu mörkum og 15,5% miðað við neðstu mörk.Skeljungur og N1 ólík félögÞegar olíufélag fer í útboð er nærtækt að miða það við það olíufélag sem fyrir er á markaðnum. Sé horft til þess er afsláttur útboðsgengis miðað við N1 mun meiri eða 10-25% lægri en mat markaðarins á N1. Félögin eru á margan hátt ólík. N1 er með meiri sölu í sinni starfsemi í öðru en olíuvörum og er auk þess ríkara af fasteignum. Sérfræðingar telja að fasteignir N1 séu talsvert verðmætari en bókfært verð þeirra segir til um. Skeljungur hefur valið þá leið að útvista smásölustarfsemi á stöðvum sínum og einbeita sér að sölu á eldsneyti. Í smásöluverslun á Íslandi er félagið í samstarfi við verslunarkeðjuna 10-11 sem sér um megnið af smásölu á stöðvum Skeljungs Meiri fjárfestingarþörf er einnig fyrir hendi hjá Skeljungi en hjá N1. Verðmöt Skeljungs taka tillit til þessa. Markaðurinn metur N1 á yfir nífaldan rekstrarhagnað fyrir afskriftir og fjármagnsliði (EBITDA), en hjá Skeljungi er sami margfaldari milli sjö og átta. Út frá þeim mælikvarða er Skeljungur því mun ódýrari. Munurinn liggur fyrst og fremst í ólíkri starfsemi félaganna.Búist við eftirspurnÞeir sérfræðingar sem rætt hefur verið við telja að eftirspurn verði eftir bréfum Skeljungs. Verð útboðsins sé sanngjarnt, en ekki megi búast við mikilli sveiflu strax eftir skráningu. Þeir benda á að ekki sé mikils vaxtar að vænta í sölu á eldsneyti. Fjölgun ferðamanna haldi þó eitthvað á móti sífellt sparneytnari ökutækjum. Starfsemi Skeljungs er ekki bara á Íslandi. Félagið rekur 11 bensínstöðvar í Færeyjum undir vörumerkinu Magn. Magn sinnir ekki einungis eldsneytissölu fyrir ökutæki og smásölu, heldur er um helmingur framlegðar félagsins af olíusölu til húshitunar. Kostur þess rekstrar er að hann er fyrirsjáanlegur, stöðugur og stór hluti sölunnar er greiddur fyrirfram. Styrking krónunnar hefur ekki hjálpað að undanförnu í þessum rekstri, en til lengri tíma litið stuðlar starfsemin að áhættudreifingu. Við þetta bætist að í samræmi við erlendar tekjur hyggst félagið endurfjármagna sig og mun það leiða til lægri fjármagnskostnaðar og betri afkomu. Búast má við því að endurfjármögnunin hafi jákvæð áhrif á arðgreiðslugetu Skeljungs. Áætlanir stjórnenda gera ráð fyrir að árlegur sparnaður af þessari ráðstöfun skili á milli 110 og 140 milljónum króna til félagsins.ArðgreiðslufélagSkeljungur hefur sinnt afgreiðslu þotueldsneytis eftir að hafa unnið þau viðskipti í útboði. N1 hafði þessi viðskipti áður, en fram kom hjá N1 að það að missa þessi viðskipti hefði ekki mikil áhrif á framlegð félagsins. Sú virðist líka raunin. Sala þotueldsneytisins virðist því bera lága framlegð, en er líkleg til að vaxa að umfangi. Sérfræðingar sem Markaðurinn hefur rætt við segja að félagið ætti að vera ágætur kostur fyrir fjárfesta sem vilja stöðugt sjóðstreymi og arðgreiðslur. Arðgreiðslustefna félagsins er að 30 til 50% af hagnaði félagsins verði komið til hluthafa með arðgreiðslum eða niðurfærslu hlutafjár. Stjórnendur gera þó ekki ráð fyrir arðgreiðslu á næsta ári.Stöðugt og fylgir hagvextiEins og fyrr segir búast sérfræðingar við að áhugi á útboðinu verði mikill. Félagið sé traust og stöðugt og henti vel inn í vel dreifð eignasöfn. Fjárfestingu í hlutabréfum fylgir alltaf áhætta, en starfsemi félagsins er næm fyrir hagvexti og hagvaxtarhorfur eru góðar á Íslandi. Starfsemi í Færeyjum eykur áhættudreifingu í gjaldmiðlum og staða félagsins á markaði í Færeyjum er sterk. Þegar fjárfestingar eru annars vegar ber hver og einn ábyrgð á sínum ákvörðunum og mikilvægt að vera meðvitaður um áhættu af slíkum fjárfestingum. Skeljungur er sterkt og vel rekið félag og verðlagningin er að mati sérfræðinga sanngjörn. Þeir sérfræðingar sem Markaðurinn ræddi við telja ólíklegt að bréfin rjúki upp og því ekki miklar líkur á að útboðið sé til þess fallið að krækja sér í jólabónus. Um það er auðvitað ekkert hægt að fullyrða, en fyrir fjárfesta með góða áhættudreifingu er mat sérfræðinga að félagið sé ágætur kostur til meðallangs eða lengri tíma. Tengdar fréttir Kosningarnar draga úr nýjum skráningum Einhver fyrirtæki hafa seinkað áformum sínum um skráningu í Kauphöll Íslands í aðdraganda kosninga. Ekkert fyrirtæki hefur verið skráð á Aðallista á árinu. Forstjóri Kauphallarinnar sér þó fyrir að minnsta kosti eina skráningu á árinu. 28. september 2016 09:00 Skeljungur stefnir á markað 9. desember Ef fer sem horfir verður Skeljungur fyrsta félagið sem skráð verður á Aðallista á þessu ári. 15. nóvember 2016 09:34 Mest lesið Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Katar kaupir orustuflugvélar af Bandaríkjamönnum Viðskipti erlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Skeljungur verður skráður á markað í kjölfar útboðs sem lýkur í dag klukkan 16. Þetta verður eina nýskráning í Kauphöll Íslands á þessu ári og eftir skráningu verður Skeljungur annað olíufélagið í Kauphöll Íslands. Í raun má tala um endurkomu Skeljungs á markað fremur en nýskráningu, en félagið var skráð í kauphöll frá 1994 til 2003. Verðbil í A hluta útboðsins sem er 6,1 til 6,9 krónur á hlut, en í þeim hluta útboðsins gefst fjárfestum kostur á að kaupa fyrir fjárhæðir á bilinu 100 þúsund krónur upp í tíu milljónir. B hlutinn er ætlaður fagfjárfestum, en þar eru lágmarkskaup 10 milljónir króna.Langt frá síðustu skráninguTil sölu eru 23,3% af heildarhlutfé félagsins en seljendur áskilja sér rétt til að stækka útboðið í 31,5% af heildarhlutafé. Söluandvirði miðað við lágmarksverð yrði þrír milljarðar miðað við 23,3% og fjórir milljarðar kjósi seljendur að stækka útboðið. Mat sérfræðinga á markaði er að fagfjárfestar muni taka skráningunni opnum örmum. Langt er frá síðasta útboði og rými fyrir nýtt skráð félag í bókum fagfjárfesta. Þá séu þetta ekki háar fjárhæðir í samanburði við önnur félög á markaði, en markaðsvirði Skeljungs er á bilinu 13 til 14 milljarðar eftir því við hvaða verð í bilinu er miðað. Greiningaraðilar á markaði hafa metið virði félagsins á gengi í kringum sjö krónur á hlut. IFS greining metur hlutinn til að mynda á 6,9 sem er hámark útboðsgengis, en Landsbankinn metur félagið á 7,05 sem gefur afslátt í útboði frá 2,2% í efstu mörkum og 15,5% miðað við neðstu mörk.Skeljungur og N1 ólík félögÞegar olíufélag fer í útboð er nærtækt að miða það við það olíufélag sem fyrir er á markaðnum. Sé horft til þess er afsláttur útboðsgengis miðað við N1 mun meiri eða 10-25% lægri en mat markaðarins á N1. Félögin eru á margan hátt ólík. N1 er með meiri sölu í sinni starfsemi í öðru en olíuvörum og er auk þess ríkara af fasteignum. Sérfræðingar telja að fasteignir N1 séu talsvert verðmætari en bókfært verð þeirra segir til um. Skeljungur hefur valið þá leið að útvista smásölustarfsemi á stöðvum sínum og einbeita sér að sölu á eldsneyti. Í smásöluverslun á Íslandi er félagið í samstarfi við verslunarkeðjuna 10-11 sem sér um megnið af smásölu á stöðvum Skeljungs Meiri fjárfestingarþörf er einnig fyrir hendi hjá Skeljungi en hjá N1. Verðmöt Skeljungs taka tillit til þessa. Markaðurinn metur N1 á yfir nífaldan rekstrarhagnað fyrir afskriftir og fjármagnsliði (EBITDA), en hjá Skeljungi er sami margfaldari milli sjö og átta. Út frá þeim mælikvarða er Skeljungur því mun ódýrari. Munurinn liggur fyrst og fremst í ólíkri starfsemi félaganna.Búist við eftirspurnÞeir sérfræðingar sem rætt hefur verið við telja að eftirspurn verði eftir bréfum Skeljungs. Verð útboðsins sé sanngjarnt, en ekki megi búast við mikilli sveiflu strax eftir skráningu. Þeir benda á að ekki sé mikils vaxtar að vænta í sölu á eldsneyti. Fjölgun ferðamanna haldi þó eitthvað á móti sífellt sparneytnari ökutækjum. Starfsemi Skeljungs er ekki bara á Íslandi. Félagið rekur 11 bensínstöðvar í Færeyjum undir vörumerkinu Magn. Magn sinnir ekki einungis eldsneytissölu fyrir ökutæki og smásölu, heldur er um helmingur framlegðar félagsins af olíusölu til húshitunar. Kostur þess rekstrar er að hann er fyrirsjáanlegur, stöðugur og stór hluti sölunnar er greiddur fyrirfram. Styrking krónunnar hefur ekki hjálpað að undanförnu í þessum rekstri, en til lengri tíma litið stuðlar starfsemin að áhættudreifingu. Við þetta bætist að í samræmi við erlendar tekjur hyggst félagið endurfjármagna sig og mun það leiða til lægri fjármagnskostnaðar og betri afkomu. Búast má við því að endurfjármögnunin hafi jákvæð áhrif á arðgreiðslugetu Skeljungs. Áætlanir stjórnenda gera ráð fyrir að árlegur sparnaður af þessari ráðstöfun skili á milli 110 og 140 milljónum króna til félagsins.ArðgreiðslufélagSkeljungur hefur sinnt afgreiðslu þotueldsneytis eftir að hafa unnið þau viðskipti í útboði. N1 hafði þessi viðskipti áður, en fram kom hjá N1 að það að missa þessi viðskipti hefði ekki mikil áhrif á framlegð félagsins. Sú virðist líka raunin. Sala þotueldsneytisins virðist því bera lága framlegð, en er líkleg til að vaxa að umfangi. Sérfræðingar sem Markaðurinn hefur rætt við segja að félagið ætti að vera ágætur kostur fyrir fjárfesta sem vilja stöðugt sjóðstreymi og arðgreiðslur. Arðgreiðslustefna félagsins er að 30 til 50% af hagnaði félagsins verði komið til hluthafa með arðgreiðslum eða niðurfærslu hlutafjár. Stjórnendur gera þó ekki ráð fyrir arðgreiðslu á næsta ári.Stöðugt og fylgir hagvextiEins og fyrr segir búast sérfræðingar við að áhugi á útboðinu verði mikill. Félagið sé traust og stöðugt og henti vel inn í vel dreifð eignasöfn. Fjárfestingu í hlutabréfum fylgir alltaf áhætta, en starfsemi félagsins er næm fyrir hagvexti og hagvaxtarhorfur eru góðar á Íslandi. Starfsemi í Færeyjum eykur áhættudreifingu í gjaldmiðlum og staða félagsins á markaði í Færeyjum er sterk. Þegar fjárfestingar eru annars vegar ber hver og einn ábyrgð á sínum ákvörðunum og mikilvægt að vera meðvitaður um áhættu af slíkum fjárfestingum. Skeljungur er sterkt og vel rekið félag og verðlagningin er að mati sérfræðinga sanngjörn. Þeir sérfræðingar sem Markaðurinn ræddi við telja ólíklegt að bréfin rjúki upp og því ekki miklar líkur á að útboðið sé til þess fallið að krækja sér í jólabónus. Um það er auðvitað ekkert hægt að fullyrða, en fyrir fjárfesta með góða áhættudreifingu er mat sérfræðinga að félagið sé ágætur kostur til meðallangs eða lengri tíma.
Tengdar fréttir Kosningarnar draga úr nýjum skráningum Einhver fyrirtæki hafa seinkað áformum sínum um skráningu í Kauphöll Íslands í aðdraganda kosninga. Ekkert fyrirtæki hefur verið skráð á Aðallista á árinu. Forstjóri Kauphallarinnar sér þó fyrir að minnsta kosti eina skráningu á árinu. 28. september 2016 09:00 Skeljungur stefnir á markað 9. desember Ef fer sem horfir verður Skeljungur fyrsta félagið sem skráð verður á Aðallista á þessu ári. 15. nóvember 2016 09:34 Mest lesið Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Katar kaupir orustuflugvélar af Bandaríkjamönnum Viðskipti erlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Kosningarnar draga úr nýjum skráningum Einhver fyrirtæki hafa seinkað áformum sínum um skráningu í Kauphöll Íslands í aðdraganda kosninga. Ekkert fyrirtæki hefur verið skráð á Aðallista á árinu. Forstjóri Kauphallarinnar sér þó fyrir að minnsta kosti eina skráningu á árinu. 28. september 2016 09:00
Skeljungur stefnir á markað 9. desember Ef fer sem horfir verður Skeljungur fyrsta félagið sem skráð verður á Aðallista á þessu ári. 15. nóvember 2016 09:34