Britney Spears braust inn til Jimmy Kimmel og vakti hann með látum

Þáttastjórnandinn Jimmy Kimmel lenti heldur betur illa í því á dögunum þegar hann var vakinn af látum af engri annarri en stórstjörnunni Britney Spears.

Þetta er ekki í fyrsta sinn sem Kimmel lendir í þessu en fyrir rúmu ári síðan braust Rihanna inn til hans. Við það tækifæri skipti Kimmel um lása en á einhvern ótrúlegan hátt tókst Spears að komast inn á heimili Kimmel.

Með Britney var hópur stæltra dansara sem vakti Kimmel upp með miklum látum, Kimmel til mikillar undrunar sem vissi ekki hvaðan á sig stóð veðrið.