Óvænt tap refanna

Füchse Berlin missti af tækifæri til að komast nær efstu liðum þýsku úrvalsdeildairnnar er liðið tapaði fyrir Leipzig á útivelli í kvöld, 25-23.

Bjarki Már Elísson skoraði tvö mörk fyrir Füchse Berlin en Erlingur Richardsson er þjálfari liðsins.

Berlínarrefirnir byrjuðu betur og leiddu í hálfleik, 14-10. En heimamenn jöfnuðu metin þegar tíu mínútur voru eftir og náðu að síga fram úr á lokakaflanum.

Füchse Berlin er í fimmta sæti deildarinnar með 33 stig en Melsungen er næsta lið fyrir ofan með 37 stig. Rhein-Neckar Löwen er svo á toppnum með 44 stig.