69. sigur Bandaríkjanna í röð og gullið til þeirra

Bandaríkin lenti í engum vandræðum gegn Spánverjum í úrslitaleiknum í körfubolta kvenna á Ólympíuleikunum í Ríó þetta sumarið.

Bandaríkinn vann að lokum 29 stiga sigur, 101-72, en sigurinn var aldrei í hættu. Þær voru fjórum stigum yfir eftir fyrsta leikhlutann, 21-17.

Munurinn varð svo orðinn 17 stig í hálfleik, 49-32 og eftirleikruinn heldur betur auðveldur. Lokatölur 101-72.

Þetta var 69. sigur Bandaríkjana kvenna í körfubolta í röð á ólympíuleikum, en það er algjörlega mögnuð tölfræði.

Stigaskor hjá Bandaríkjunum dreifðist vel, en Lindsay Whalen skoraði sautján stig sem og Diana Taurasi.

Hjá Spáni var Alba Torrens atkvæðamest með átján stig.