Viðskipti innlent

Namibísk fyrirtæki saka Samherja um svik upp á tæpan milljarð

Oddur Ævar Gunnarsson skrifar
Þorsteinn Már Baldvinsson, forstjóri Samherja hafnar ásökunum sem settar eru fram í frétt Confidénte.
Þorsteinn Már Baldvinsson, forstjóri Samherja hafnar ásökunum sem settar eru fram í frétt Confidénte. vísir/auðunn

Fimmtán namibísk fyrirtæki hafa ákveðið að kæra dótturfélag Samherja fyrir að hafa svikið nærri milljarð króna út úr sameiginlegu útgerðarfyrirtæki þeirra. RÚV greinir frá en fréttin kemur fyrst fram í namibíska blaðinu Confidénte.

Fyrirtækin fimmtán voru í samvinnu með íslenska félaginu Esja Fishing en þau saka nú fyrirtækið um að hafa tekið 120 milljónir namibískra dollara út af reikningum Arcticnam Investments, félags í eigu umrædda fyrirtækja, án þeirra vitneskju.

Í frétt Confidénte kemur fram að íslenska félagið hafi þrýst á fyrirtækin fimmtán að draga kæruna til baka gegn því að fá greiddar 66 milljónir, en því hafi namibísku fyrirtækin neitað.

Confidénte heldur því einnig fram að tekjur sameiginlega félagsins hafi einungis numið 10 milljónum namibískra dollara, þrátt fyrir að áður hafi komið fram að tekjurnar hafi numið 450 milljónum Namibíudollara. Fyrirtækjunum hafi jafnframt verið meinaður aðgangur að bankareikningum félagsins og yfirliti þeirra.

Í yfirlýsingu til fréttastofu RÚV um málið sagði Þorsteinn Már Baldvinsson forstjóri Samherja að götublaðið Confidénte hafi einungis fjallað um hluta af því samstarfi sem Samherji á við félög í Namibíu og segir hann að blaðið hafi í umfjöllun sinni fullyrt eða dylgjað um hluti sem ekki eigi við rök að styðjast.

Sakar hann blaðið um að reyna að reka fleyg í samstöðu hluthafa félaganna og að miður sé að sitja undir fölskum ásökunum þegar markmiðið sé að allir gangi í takt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,51
21
428.353
SYN
2,38
9
90.240
HAGA
1,75
10
95.153
EIK
1,22
13
157.475
REITIR
1,17
17
254.889

Mesta lækkun dagsins


Félag
Br.%
Fjöldi
Velta*
SIMINN
-1,3
6
96.239
TM
-0,83
4
38.492
EIM
-0,78
9
100.273
ICESEA
-0,68
3
7.781
ICEAIR
-0,48
14
96.178
Velkomin á Vísi. Þessi vefur notar vafrakökur. Sjá nánar.