Umfjöllun, viðtöl og einkunnir: Víkingur Ó. - Víkingur R. 1-1 | Bróðurleg skipting Víkinganna Ingvi Þór Sæmundsson á Ólafsvíkurvelli skrifar 15. september 2016 20:00 Víkingur Ólafsvík og Víkingur Reykjavík skildu jöfn, 1-1, í 19. umferð Pepsi-deild karla í dag. Heimamenn komust yfir með marki Kenan Turudija strax á 3. mínútu en Alex Freyr Hilmarsson jafnaði metin fyrir Reykjavíkurvíkinga á 29. mínútu þegar hann fylgdi eftir skoti Ívars Arnar Jónssonar sem Cristian Martínez varði út í teiginn. Fleiri urðu mörkin ekki þrátt fyrir góðar tilraunir beggja liða. Þrátt fyrir að hafa misst niður 1-0 forystu í leiknum fengu Ólafsvíkingar afar dýrmætt stig í fallbaráttu deildarinnar. Liðið er nú þremur stigum á undan Fylki, sem er í fallsæti ásamt Þrótti.Af hverju varð jafntefli? Þetta var klassískur hefði-getað-fallið-báðum-megin leikur. Ólsarar byrjuðu leikinn betur og komust yfir strax á 3. mínútu. Þeir náðu ekki að fylgja því eftir, gestirnir unnu sig inn í leikinn og þeir jöfnuðu metin þegar Alex Freyr skoraði sitt fjórða mark í sumar. Fyrir utan mörkin tvö var fyrri hálfleikurinn frekar rólegur. Sú var hins vegar ekki raunin í þeim seinni þar sem bæði lið sóttu af krafti og sköpuðu góð færi til að vinna leikinn. Kenan skaut yfir úr dauðafæri hjá Ólsurum, Farid Zato átti hörkuskot rétt yfir og Róbert Örn Óskarsson varði frábærlega frá Hrjove Tokic. Víkingar frá Reykjavík fengu einnig sín færi; Davíð Örn Atlason skaut í slá af löngu færi, Óttar Magnús Karlsson var ágengur upp við mark heimamanna og Tomasz Luba bjargaði líklega marki þegar hann henti sér fyrir skot Ívars Arnar.Þessir stóðu upp úr Leikurinn var merkilega vel spilaður þrátt fyrir erfiðar aðstæður en völlurinn var blautur og þungur. Luba og Aleix Egea Acame áttu góðan leik í miðri vörn Ólsara og þá voru Martin Svensson og Pape Mamadou Faye öflugir í fyrri hálfleik. Kenan skoraði laglegt mark og hefði átt að gera annað. Hjá gestunum var Alex Freyr mjög góður í fyrri hálfleik, Dofri Snorrason átti flottan leik og Ívar Örn ógnaði með skotum og átti nokkrar góðar sendingar sem samherjar hans hefðu mátt nýta betur.Hvað gekk illa? Uppspil liðanna gekk eðlilega misvel. Sendingarnar stoppuðu margar hverjar í pollunum á vellinum og leikmönnum skrikaði æði oft fótur. En leikurinn var, eins og áður sagði, merkilega vel spilaður miðað við allt og allt.Hvað gerist næst? Ólsarar eru nú þremur stigum frá fallsæti, þökk sé stiginu sem þeir náðu í og sigri FH á Fylki í Árbænum. ÍBV getur komist upp fyrir Víking Ó. með sigri á Stjörnunni á morgun en miðað við spilamennsku Eyjamanna að undanförnu verður það að teljast ólíklegt. Næsti leikur Ólsara er gegn Þrótti á mánudaginn. Reykjavíkurvíkingar leika hins vegar gegn Fylki á sunnudaginn.Ejub: Markið verður minna Ejub Purisevic, þjálfari Víkings Ó., kvaðst þokkalega sáttur með stigið sem hans menn fengu gegn nöfnum sínum frá Reykjavík. „Mér fannst við eiga góðan leik fyrir utan 10-15 mínútur í lok fyrri hálfleiks. Það var góð barátta í okkar liði og leikurinn var í raun góður miðað við aðstæður. Á endanum var þetta sanngjarnt þótt við hefðum verið líklegri í restina,“ sagði Ejub eftir leik. Ólsarar byrjuðu leikinn vel og komust yfir strax á 3. mínútu. Ejub hefði viljað sjá sína menn ganga á lagið og skora annað mark. „Við hefðum líklega unnið leikinn hefðum við komið öðru marki á þá. En þegar þú ert í ströggli þá verður markið kannski minna og erfiðara að nýta færin,“ sagði Ejub sem er nokkuð ánægður með spilamennsku Ólsara að undanförnu þótt hún hafi ekki skilað mörgum stigum. „Slæmi kaflinn hjá okkur kom eftir Verslunarmannahelgi, leikirnir gegn Val, ÍBV og ÍA voru hrikalegir. Ég er mjög ánægður núna, við erum allavega að berjast fyrir hlutunum,“ sagði Ejub. „Ég vona að við getum klárað mótið af svona krafti og ef við gerum það er ég nokkuð viss um að við höldum okkur uppi.“Milos: Skemmtilegra en á þurrum velli „Ef þú telur færin held ég að við höfum fengið aðeins fleiri og betri færi. En þeir hefðu getað refsað okkur fyrir að klúðra þeim,“ sagði Milos Milojevic, þjálfari Víkings R., eftir leikinn í Ólafsvík í kvöld. „Þetta var jafn leikur þótt við höfum verið með yfirhöndina í spili. Þetta var flottur fótbolti, full ákefð og skemmtilegt að spila svona. Mér finnst það meira gaman en að spila á þurrum velli,“ sagði Milos en Ólafsvíkurvöllur var allt annað en þurr í kvöld. Ólsarar hófu leikinn af krafti og komust yfir eftir þrjár mínútur. En Víkingar unnu sig vel inn í leikinn og jöfnuðu metin eftir um hálftíma leik. „Kannski var þetta einbeitingarleysi, kannski hituðum við ekki nógu vel upp og kannski vorum við of lengi á leiðinni. Þetta var engin óskabyrjun en við tókum svo yfir og stjórnuðum leiknum,“ sagði Milos sem kvaðst mátulega sáttur með stigið. „Ég sætti mig alveg við eitt stig en við þurfum að gera aðeins betur í næsta leik.“ Pepsi Max-deild karla Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Tiger og McIlroy hunsuðu hvorn annan Golf Klopp enn fúll út í Maddison eftir að Liverpool missti af titlinum 2019 Enski boltinn Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Víkingur Ólafsvík og Víkingur Reykjavík skildu jöfn, 1-1, í 19. umferð Pepsi-deild karla í dag. Heimamenn komust yfir með marki Kenan Turudija strax á 3. mínútu en Alex Freyr Hilmarsson jafnaði metin fyrir Reykjavíkurvíkinga á 29. mínútu þegar hann fylgdi eftir skoti Ívars Arnar Jónssonar sem Cristian Martínez varði út í teiginn. Fleiri urðu mörkin ekki þrátt fyrir góðar tilraunir beggja liða. Þrátt fyrir að hafa misst niður 1-0 forystu í leiknum fengu Ólafsvíkingar afar dýrmætt stig í fallbaráttu deildarinnar. Liðið er nú þremur stigum á undan Fylki, sem er í fallsæti ásamt Þrótti.Af hverju varð jafntefli? Þetta var klassískur hefði-getað-fallið-báðum-megin leikur. Ólsarar byrjuðu leikinn betur og komust yfir strax á 3. mínútu. Þeir náðu ekki að fylgja því eftir, gestirnir unnu sig inn í leikinn og þeir jöfnuðu metin þegar Alex Freyr skoraði sitt fjórða mark í sumar. Fyrir utan mörkin tvö var fyrri hálfleikurinn frekar rólegur. Sú var hins vegar ekki raunin í þeim seinni þar sem bæði lið sóttu af krafti og sköpuðu góð færi til að vinna leikinn. Kenan skaut yfir úr dauðafæri hjá Ólsurum, Farid Zato átti hörkuskot rétt yfir og Róbert Örn Óskarsson varði frábærlega frá Hrjove Tokic. Víkingar frá Reykjavík fengu einnig sín færi; Davíð Örn Atlason skaut í slá af löngu færi, Óttar Magnús Karlsson var ágengur upp við mark heimamanna og Tomasz Luba bjargaði líklega marki þegar hann henti sér fyrir skot Ívars Arnar.Þessir stóðu upp úr Leikurinn var merkilega vel spilaður þrátt fyrir erfiðar aðstæður en völlurinn var blautur og þungur. Luba og Aleix Egea Acame áttu góðan leik í miðri vörn Ólsara og þá voru Martin Svensson og Pape Mamadou Faye öflugir í fyrri hálfleik. Kenan skoraði laglegt mark og hefði átt að gera annað. Hjá gestunum var Alex Freyr mjög góður í fyrri hálfleik, Dofri Snorrason átti flottan leik og Ívar Örn ógnaði með skotum og átti nokkrar góðar sendingar sem samherjar hans hefðu mátt nýta betur.Hvað gekk illa? Uppspil liðanna gekk eðlilega misvel. Sendingarnar stoppuðu margar hverjar í pollunum á vellinum og leikmönnum skrikaði æði oft fótur. En leikurinn var, eins og áður sagði, merkilega vel spilaður miðað við allt og allt.Hvað gerist næst? Ólsarar eru nú þremur stigum frá fallsæti, þökk sé stiginu sem þeir náðu í og sigri FH á Fylki í Árbænum. ÍBV getur komist upp fyrir Víking Ó. með sigri á Stjörnunni á morgun en miðað við spilamennsku Eyjamanna að undanförnu verður það að teljast ólíklegt. Næsti leikur Ólsara er gegn Þrótti á mánudaginn. Reykjavíkurvíkingar leika hins vegar gegn Fylki á sunnudaginn.Ejub: Markið verður minna Ejub Purisevic, þjálfari Víkings Ó., kvaðst þokkalega sáttur með stigið sem hans menn fengu gegn nöfnum sínum frá Reykjavík. „Mér fannst við eiga góðan leik fyrir utan 10-15 mínútur í lok fyrri hálfleiks. Það var góð barátta í okkar liði og leikurinn var í raun góður miðað við aðstæður. Á endanum var þetta sanngjarnt þótt við hefðum verið líklegri í restina,“ sagði Ejub eftir leik. Ólsarar byrjuðu leikinn vel og komust yfir strax á 3. mínútu. Ejub hefði viljað sjá sína menn ganga á lagið og skora annað mark. „Við hefðum líklega unnið leikinn hefðum við komið öðru marki á þá. En þegar þú ert í ströggli þá verður markið kannski minna og erfiðara að nýta færin,“ sagði Ejub sem er nokkuð ánægður með spilamennsku Ólsara að undanförnu þótt hún hafi ekki skilað mörgum stigum. „Slæmi kaflinn hjá okkur kom eftir Verslunarmannahelgi, leikirnir gegn Val, ÍBV og ÍA voru hrikalegir. Ég er mjög ánægður núna, við erum allavega að berjast fyrir hlutunum,“ sagði Ejub. „Ég vona að við getum klárað mótið af svona krafti og ef við gerum það er ég nokkuð viss um að við höldum okkur uppi.“Milos: Skemmtilegra en á þurrum velli „Ef þú telur færin held ég að við höfum fengið aðeins fleiri og betri færi. En þeir hefðu getað refsað okkur fyrir að klúðra þeim,“ sagði Milos Milojevic, þjálfari Víkings R., eftir leikinn í Ólafsvík í kvöld. „Þetta var jafn leikur þótt við höfum verið með yfirhöndina í spili. Þetta var flottur fótbolti, full ákefð og skemmtilegt að spila svona. Mér finnst það meira gaman en að spila á þurrum velli,“ sagði Milos en Ólafsvíkurvöllur var allt annað en þurr í kvöld. Ólsarar hófu leikinn af krafti og komust yfir eftir þrjár mínútur. En Víkingar unnu sig vel inn í leikinn og jöfnuðu metin eftir um hálftíma leik. „Kannski var þetta einbeitingarleysi, kannski hituðum við ekki nógu vel upp og kannski vorum við of lengi á leiðinni. Þetta var engin óskabyrjun en við tókum svo yfir og stjórnuðum leiknum,“ sagði Milos sem kvaðst mátulega sáttur með stigið. „Ég sætti mig alveg við eitt stig en við þurfum að gera aðeins betur í næsta leik.“
Pepsi Max-deild karla Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Tiger og McIlroy hunsuðu hvorn annan Golf Klopp enn fúll út í Maddison eftir að Liverpool missti af titlinum 2019 Enski boltinn Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira