Reginn hagnaðist um 750 milljónir á fyrsta ársfjórðungi

Fasteignafélagið Reginn hagnaðist um 750 milljónir króna á fyrstu þremur mánuðum 2016. Hagnaðurinn jókst um 31 prósent á milli ára. Árshlutareikningur félagsins var samþykktur af stjórn þess í dag.

Í tilkynningu frá Reginn segir að rekstrartekjur á tímabilinu hafi verið 1.530 milljónir og vöxtur leigutekna hafi verið 26 prósent á milli ára. Sömuleiðis jókst rekstrarhagnaður fyrir matbreytingu og afskriftir um 26 prósent og var rétt rúmur milljarður.

Bókfært virði fjárfestingareigna í lok tímabilsins var 76.378 milljónir samanborið við 63.949 milljónir í árslok 2015.

„Eignasafn Regins er fjölbreytt og gott atvinnuhúsnæði með háu útleiguhlutfalli og traustum leigutökum. Fjöldi fasteigna í lok tímabilsins var 131 og heildarfermetrafjöldi þeirra eigna er 319 þúsund. Útleiguhlutfall á safni Regins er yfir 97 prósent miðað við þær tekjur sem 100 prósent útleiga gæfi,“segir í tilkynningunni.

Stærstu eignir fasteignafélagsins eru Smáralind og Egilshöll.



Sjá einnig: Fasteignafélögin hafa vaxið um hundrað milljarða á þremur árum

„Fasteignasafn Regins er metið á gangvirði í samræmi við alþjóðlega reikningsskilastaðla (IFRS). Safnið er metið í lok hvers árs í tengslum við gerð ársreiknings sem og í lok hvers uppgjörstímabils. Matsbreyting á fyrstu 3 mánuðum ársins nam 517 milljónum króna.“

Á áðurnefndu tímabili fékk Reginn afhent fasteignafélögin Ósvör ehf. og CFV 1ehf. Þau félög eiga 23 fasteignir og um 43 þúsund fermetra. Þar að auki Strandgötu 14 og Skólastíg 4.