Önnur Chibok-stúlka fundin

Nígeríski herinn segist hafa fundið aðra stúlku sem rænt var af liðsmönnum hryðjuverkasamtakanna Boko Haram í Chibok í Nígeríu árið 2014. Hin stúlkan fannst á þriðjudag en alls voru 219 stúlkur numdar á brott af heimavist sinni í bænum fyrir tveimur árum. BBC greinir frá.

Herinn hefur ekki viljað veita upplýsingar um hvar eða hvernig stúlkan fannst.

Hin stelpan, Amina Ali Nkeki, fannst í Sambisa skógi nærri landamærum Kamerún, en með henni í för var fjögurra mánaða stúlkubarn.