Viðskipti innlent

OZ segir upp samningum við alla starfsmenn

Kolbeinn Tumi Daðason skrifar
Guðjón Már Guðjónsson, stofnandi OZ og framkvæmdastjóri, segir að þetta sé gert í hagræðingarskyni og til standi að semja við starfsmenn upp á nýtt.
Guðjón Már Guðjónsson, stofnandi OZ og framkvæmdastjóri, segir að þetta sé gert í hagræðingarskyni og til standi að semja við starfsmenn upp á nýtt. Aðsend mynd

Hugbúnaðarfyrirtækið OZ ehf. hefur sagt upp samningum við alla starfsmenn fyrirtækisins. Guðjón Már Guðjónsson, stofnandi OZ og framkvæmdastjóri, segir að þetta sé gert í hagræðingarskyni og til standi að semja við starfsmenn upp á nýtt. Honum kom á óvart að tíðindin hefðu borist fréttastofu enda væru aðgerðirnar í gangi og ekki búið að afgreiða það ennþá.

„Við erum að vinna að sama markmiði og önnur fyrirtæki, að flýta því að koma félaginu í hagnað,“ segir Guðjón í samtali við Vísi. Ekki sé um að það að ræða að verið sé að segja upp öllum starfsmönnum fyrirtækisins.

„Við erum að segja upp öllum núverandi samningum allra starfsmanna í hagræðingarskyni til að hægt sé að endurráða í hagræddu umhverfi með það að markmiði með að koma félaginu inn í hagnað,“ segir Guðjón. Hann leggur áherslu á að aðgerðirnar standi yfir og sumir starfsmenn fyrirtækisins í öðrum tímabeltum, sumir Íslendingar, séu ekki enn meðvitaðir um þær.

Gefa ekki upp fjölda starfsmanna
„Við erum að horfa til framtíðar og styrkja undirstöður félagsins, gera félagið að enn þá meira spennandi kosti.“

Aðspurður hve margir starfsmenn væru hjá OZ sagði Guðjón það ekki hafa verið gefið upp hingað til og vildi ekki upplýsa fréttastofu um það. Samkvæmt heimildum fréttastofu er fjöldi starfsmanna í kringum tvo tugi.

Fyrirtækið var stofnað árið 2009 og hefur undanfarin ár vakið hvað mesta athygli fyrir þróun á lausnum fyrir sjónvarp. 

Uppsagnir víða
Tölvuleikjafyrirtækið Plain Vanilla sagði upp 27 manns fyrr í dag og hefur starfsmönnum fyrirtækisins fækkað um helming á tæpu ári. Þeir voru 86 þegar mest lét sumarið 2015.

Þá hefur Síminn sagt upp 37 starfsmönnum það sem af er ári.


Tengdar fréttir

Oz kynnti þjónustu sína

Um 800 manns úr kvikmynda,sjónvarps, tónlistar, og skemmtanaiðnaðinum voru viðstaddir þegar íslenska hugbúnaðarfyrirtækið OZ kynnti nýja þjónustu sína á Ace hótelinu í Los Angeles á dögunum.

OZ fékk 300 milljónir til vöruþróunar

Hópur fjárfesta hefur lagt 300 milljónir í vöruþróun hjá OZ ehf. hér á landi. OZ ehf. er nýtt sprota- og hugbúnaðarfyrirtæki sem mun brátt bjóða Íslendingum að upplifa sjónvarp á nýjan máta á öflugu dreifikerfi fyrirtækisins.

Guðjón Már eignast OZ-nafnið á ný

Jón Stephenson von Tetzchner, stofnandi og fyrrum forstjóri norska hugbúnaðarfyrirtækisins Opera, hefur fjárfest í íslenska sprotafyrirtækinu Medizza.

Guðjón í Oz gerður að heiðursfélaga: Ekki með stúdentspróf

„Ég er bara hissa og ánægður að vera hluti af fagfélagi, þrátt fyrir að vera ekki með stúdentspróf," segir Guðjón Már Guðjónsson, betur þekktur sem Guðjón í OZ. Hann var á dögunum gerður að heiðursfélaga í Félagi tölvunarfræðinga fyrir mikilsverð störf á sviði tölvunarfræði á undanförnum árum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
1,95
13
154.180
KVIKA
0,79
3
26.427
SIMINN
0,56
3
33.788
MAREL
0,54
25
675.501
SKEL
0,25
3
5.182

Mesta lækkun dagsins


Félag
Br.%
Fjöldi
Velta*
EIK
-2,88
17
153.220
SJOVA
-2,54
8
107.416
TM
-2,48
6
95.263
VIS
-2,35
1
12.050
ICEAIR
-1,32
38
108.834
Velkomin á Vísi. Þessi vefur notar vafrakökur. Sjá nánar.