Forsætisráðherra Úkraínu segir af sér

Forsætisráðherra Úkraínu, Arseniy Yatsenyuk, hefur tilkynnt að hann muni segja af sér í vikunni. Hann hefur verið í embætti forsætisráðherra frá því fyrrverandi forseta landsins, Viktor Yanukovych, var komið frá völdum í febrúar árið 2014.

Yatsenyuk greinir frá þessu á Twitter-síðu sinni en þar segist hann ætla að tilkynna þinginu um ákvörðun sína á þriðjudag.

I have taken the decision to resign as Prime Minister of Ukraine. On Tuesday, April 12 my request will be submitted to the Parliament

— Arseniy Yatsenyuk (@Yatsenyuk_AP) April 10, 2016

Forseti Úkraínu, Petro Poroshenko, bað Yatsenyuk um að hætta sem forsætisráðherra síðastliðinn föstudag, en forsetinn sagði forsætisráðherrann hafa misst traust sitt.

Stjórn Yatsenyuk hefur verið sökuð um aðgerðaleysi og spillingu, að því er fram kemur á vef fréttastofu breska ríkisútvarpsins BBC.

Alþjóða gjaldeyrissjóðurinn hefur hótað ráðamönnum Úkraínu að veita ekki fjárhagsaðstoð ef þeir ráðast ekki í umbætur á efnahag þjóðarinnar.

BBC segir forseta úkraínska þingsins, Volodymyr Groysman, hafa verið útnefndan af flokki Poroshenko sem eftirmann Yatsenyuk.