Haraldur: MMA-heimurinn þarf að fara í naflaskoðun Henry Birgir Gunnarsson skrifar 14. apríl 2016 15:33 Haraldur með Gunnari syni sínum í Las Vegas fyrir bardagakvöld í UFC. vísir/böd Það gustar um blandaðar bardagalistir, MMA, þessa dagana í kjölfarið á dauðsfalli Portúgalans Joao Carvalho. Hann lést á mánudag eftir að hafa orðið fyrir alvarlegum höfuðáverkum í bardaga í Dublin á laugardag. Gagnrýnin á íþróttina er til að mynda mikil í Írlandi. Íþróttamálaráðherra landsins hefur tjáð sig um málið og óskað eftir betra regluverki í kringum íþróttina. Í sama streng tók formaður Íþróttasambands Írlands.Sjá einnig: MMA-bardagakappi lést eftir bardaga í Dublin „Ég er ekkert ósammála þessum orðum. Að vísu var umgjörðin á þessu tilteknu kvöldi í lagi en ég er alveg sammála að þarf að taka á svona málum. Það er engin tilviljun að hjá UFC, sem er hvað harðast með reglur, að þar hafa ekki orðið nein alvarleg slys í 20 ár,“ sagði Haraldur Dean Nelson, faðir og umboðsmaður Gunnars Nelson. Hann er einnig framkvæmdastjóri Mjölnis og einn af þeim sem berst fyrir lögleiðingu MMA á Íslandi. „Það er með þetta eins og allt annað. Til að mynda með kappakstur. Þú leyfir ekki hverjum sem er að setja upp kappakstursbraut og svo bara keppa menn.“Joao Carvalho lést á mánudag.mynd/facebookHaraldur bendir á að enn liggi ekki fyrir hvað hafi dregið Carvalho til dauða. Menn viti ekki hvort það hafi verið eitthvað undirliggjandi í hans líkamsástandi.Sjá einnig: Conor: Sorglegur tími fyrir bardagakappa „Svo var helsti taugasérfræðingur Írlands, Dan Healey, á staðnum líka. Þetta er samt þannig sport að ef það verður slys þá verður allt vitlaust. Menn stökkva fram og segja hvað sagði ég? Við vitum vel að sportið er hættulegt sem og höfuðhögg. Rétt eins og kappakstur, brun og annað þar sem er hætta á alvarlegum meiðslum. Í slíkum íþróttum verða alltaf slys.“Bannað að fara í afneitun Haraldur styður það að allir sem koma að MMA vandi til verka og vill ekki að menn stökkvi í vörn núna. „Menn mega ekki fara einhverja afneitun og við megum aldrei gera það. Þetta sport er hættulegra en margt annað en þetta sport er líka með minni slysatíðni en margar aðrar íþróttir.“Sjá einnig: Íþróttamálaráðherra Íra: Ég sá þessa hættu fyrir MMA er leyfilegt víða í Evrópu en ekki á Íslandi. Það er þó draumur Haraldar og fleiri að það verði hægt að keppa í MMA hér á Íslandi. „Ég er sammála þeirri gagnrýni að regluverkið þurfi að vera í lagi. Einhverjir hafa sagt að það sé ekkert ólöglegt að vera með MMA á Íslandi. Það er sennilega ekki ólöglegt en það eru engar reglur um það. Það breytir því ekki að ég vil ekki fara af stað með mót fyrr en við höfum allt slíkt á hreinu hérna,“ segir Haraldur en hann hefur horft til Svíþjóðar þegar kemur að því að smíða regluverk fyrir MMA á Íslandi. „Sænska módelið er mjög flott módel. Þegar kemur að öryggiskröfum er þeir með sex sett af öryggisreglum. Svo er samband sem heldur utan um allt og það er innan íþróttasambands Svíþjóðar.“Gunnar gengur reglulega undir allar skoðanir svo það sé á hreinu að hann sé hæfur til þess að stíga í búrið.vísir/gettyÞurfa sjálfir að borga fyrir læknisskoðanir utan UFC Áður en Gunnar Nelson skrifaði undir samning við UFC þá þurfti hann að gangast undir ýmsar rannsóknir. „Gunnar þurfti að gangast meðal annars undir skoðun í heilaskanna sem kostaði hátt í 200 þúsund krónur. Við urðum að greiða þá upphæð sjálfir en UFC sér síðan um lækniskostnað eftir að búið er að semja við þá. Margir af krökkunum þarna úti sem eru að stunda íþróttina fara ekki í svona skoðanir. Þeir koma sér undan því,“ segir Haraldur en áðurnefndur taugasérfræðingur, Dan Healy, skoðaði myndirnar af Gunnari á sínum tíma og einnig eftir að hann tapaði gegn Rick Story í Svíþjóð. „Ég tel að regluverkið í MMA sé orðið nokkuð gott en auðvitað má alltaf gera betur. Regluverkið í kringum íþróttina er svo mjög mismunandi eftir löndum. Því höfum við horft mikið til Svíþjóðar því að okkar mati er það fyrirmyndarmódel. Því eru flestir sammála.“Hlynntur frelsi einstaklingsins Nú er neikvæð umræða um íþróttina en Haraldur trúir því ekki að það muni skemma fyrir því að MMA verði gert löglegt á Íslandi. „Þetta er vissulega ekki að gera okkur auðveldara fyrir. Í pólítík eru alltaf einhverjir til í að fara auðveldu leiðina og banna. Ég er hlynntur frelsi einstaklingsins að mega velja og hafna svo framarlega sem valið sé upplýst og eitt gangi yfir alla. Ég vona að menn láti ekki glepjast af þessu því ef menn ætla að fara þá leið að standa í vegi fyrir einhverju af því maður lést í keppni og við vitum ekki enn af hverju hann lést,“ segir Haraldur. „Við vitum samt alveg að sportið er hættulegt en ef við ætlum að fara þá leið að banna allt sem er hættulegt hvar endum við þá? Hvað hafa margir dáið eða lamast á Íslandi í hestaíþróttum? Hvað hafa margir dáið á snjósleða upp á fjöllum? Það eru margar hættulegar athafnir sem eru löglegar.“ Haraldur sér ekkert því til fyrirstöðu að leyfa MMA á Íslandi ef regluverkið er gott sem og allt eftirlit. „Ef menn hafa fengið rétta þjálfun og gengið í gegnum góða læknisskoðun. Jafnvel þó menn geri það geta orðið slys. Hætturnar eru auðvitað alls staðar. Menn hafa látist af einu höggi út á götu. Það er oftar en ekki af því það var eitthvað undirliggjandi. MMA-heimurinn er að syrgja þennan dreng núna en hann á svo að nota þetta slys sem tækifæri til þess að fara í naflaskoðun. Spyrja sig að því hvar sé hægt að gera betur?“ MMA Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Faðir Haliburton fær ekki að mæta á leiki hjá Pacers Körfubolti Beckham fimmtugur í dag Enski boltinn Fleiri fréttir Í beinni: Grindavík - Stjarnan | Gestirnir geta veitt náðarhöggið Í beinni: Man. City - Wolves | Fyrrum meistarar á tæpasta vaði „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ Dagskráin í dag: Allt undir í Smáranum „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ „Erum komnar til þess að fara alla leið“ Uppgjörið: Haukar - Njarðvík 86-79 | Haukar taka forystu í úrslitaeinvíginu Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Sjá meira
Það gustar um blandaðar bardagalistir, MMA, þessa dagana í kjölfarið á dauðsfalli Portúgalans Joao Carvalho. Hann lést á mánudag eftir að hafa orðið fyrir alvarlegum höfuðáverkum í bardaga í Dublin á laugardag. Gagnrýnin á íþróttina er til að mynda mikil í Írlandi. Íþróttamálaráðherra landsins hefur tjáð sig um málið og óskað eftir betra regluverki í kringum íþróttina. Í sama streng tók formaður Íþróttasambands Írlands.Sjá einnig: MMA-bardagakappi lést eftir bardaga í Dublin „Ég er ekkert ósammála þessum orðum. Að vísu var umgjörðin á þessu tilteknu kvöldi í lagi en ég er alveg sammála að þarf að taka á svona málum. Það er engin tilviljun að hjá UFC, sem er hvað harðast með reglur, að þar hafa ekki orðið nein alvarleg slys í 20 ár,“ sagði Haraldur Dean Nelson, faðir og umboðsmaður Gunnars Nelson. Hann er einnig framkvæmdastjóri Mjölnis og einn af þeim sem berst fyrir lögleiðingu MMA á Íslandi. „Það er með þetta eins og allt annað. Til að mynda með kappakstur. Þú leyfir ekki hverjum sem er að setja upp kappakstursbraut og svo bara keppa menn.“Joao Carvalho lést á mánudag.mynd/facebookHaraldur bendir á að enn liggi ekki fyrir hvað hafi dregið Carvalho til dauða. Menn viti ekki hvort það hafi verið eitthvað undirliggjandi í hans líkamsástandi.Sjá einnig: Conor: Sorglegur tími fyrir bardagakappa „Svo var helsti taugasérfræðingur Írlands, Dan Healey, á staðnum líka. Þetta er samt þannig sport að ef það verður slys þá verður allt vitlaust. Menn stökkva fram og segja hvað sagði ég? Við vitum vel að sportið er hættulegt sem og höfuðhögg. Rétt eins og kappakstur, brun og annað þar sem er hætta á alvarlegum meiðslum. Í slíkum íþróttum verða alltaf slys.“Bannað að fara í afneitun Haraldur styður það að allir sem koma að MMA vandi til verka og vill ekki að menn stökkvi í vörn núna. „Menn mega ekki fara einhverja afneitun og við megum aldrei gera það. Þetta sport er hættulegra en margt annað en þetta sport er líka með minni slysatíðni en margar aðrar íþróttir.“Sjá einnig: Íþróttamálaráðherra Íra: Ég sá þessa hættu fyrir MMA er leyfilegt víða í Evrópu en ekki á Íslandi. Það er þó draumur Haraldar og fleiri að það verði hægt að keppa í MMA hér á Íslandi. „Ég er sammála þeirri gagnrýni að regluverkið þurfi að vera í lagi. Einhverjir hafa sagt að það sé ekkert ólöglegt að vera með MMA á Íslandi. Það er sennilega ekki ólöglegt en það eru engar reglur um það. Það breytir því ekki að ég vil ekki fara af stað með mót fyrr en við höfum allt slíkt á hreinu hérna,“ segir Haraldur en hann hefur horft til Svíþjóðar þegar kemur að því að smíða regluverk fyrir MMA á Íslandi. „Sænska módelið er mjög flott módel. Þegar kemur að öryggiskröfum er þeir með sex sett af öryggisreglum. Svo er samband sem heldur utan um allt og það er innan íþróttasambands Svíþjóðar.“Gunnar gengur reglulega undir allar skoðanir svo það sé á hreinu að hann sé hæfur til þess að stíga í búrið.vísir/gettyÞurfa sjálfir að borga fyrir læknisskoðanir utan UFC Áður en Gunnar Nelson skrifaði undir samning við UFC þá þurfti hann að gangast undir ýmsar rannsóknir. „Gunnar þurfti að gangast meðal annars undir skoðun í heilaskanna sem kostaði hátt í 200 þúsund krónur. Við urðum að greiða þá upphæð sjálfir en UFC sér síðan um lækniskostnað eftir að búið er að semja við þá. Margir af krökkunum þarna úti sem eru að stunda íþróttina fara ekki í svona skoðanir. Þeir koma sér undan því,“ segir Haraldur en áðurnefndur taugasérfræðingur, Dan Healy, skoðaði myndirnar af Gunnari á sínum tíma og einnig eftir að hann tapaði gegn Rick Story í Svíþjóð. „Ég tel að regluverkið í MMA sé orðið nokkuð gott en auðvitað má alltaf gera betur. Regluverkið í kringum íþróttina er svo mjög mismunandi eftir löndum. Því höfum við horft mikið til Svíþjóðar því að okkar mati er það fyrirmyndarmódel. Því eru flestir sammála.“Hlynntur frelsi einstaklingsins Nú er neikvæð umræða um íþróttina en Haraldur trúir því ekki að það muni skemma fyrir því að MMA verði gert löglegt á Íslandi. „Þetta er vissulega ekki að gera okkur auðveldara fyrir. Í pólítík eru alltaf einhverjir til í að fara auðveldu leiðina og banna. Ég er hlynntur frelsi einstaklingsins að mega velja og hafna svo framarlega sem valið sé upplýst og eitt gangi yfir alla. Ég vona að menn láti ekki glepjast af þessu því ef menn ætla að fara þá leið að standa í vegi fyrir einhverju af því maður lést í keppni og við vitum ekki enn af hverju hann lést,“ segir Haraldur. „Við vitum samt alveg að sportið er hættulegt en ef við ætlum að fara þá leið að banna allt sem er hættulegt hvar endum við þá? Hvað hafa margir dáið eða lamast á Íslandi í hestaíþróttum? Hvað hafa margir dáið á snjósleða upp á fjöllum? Það eru margar hættulegar athafnir sem eru löglegar.“ Haraldur sér ekkert því til fyrirstöðu að leyfa MMA á Íslandi ef regluverkið er gott sem og allt eftirlit. „Ef menn hafa fengið rétta þjálfun og gengið í gegnum góða læknisskoðun. Jafnvel þó menn geri það geta orðið slys. Hætturnar eru auðvitað alls staðar. Menn hafa látist af einu höggi út á götu. Það er oftar en ekki af því það var eitthvað undirliggjandi. MMA-heimurinn er að syrgja þennan dreng núna en hann á svo að nota þetta slys sem tækifæri til þess að fara í naflaskoðun. Spyrja sig að því hvar sé hægt að gera betur?“
MMA Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Faðir Haliburton fær ekki að mæta á leiki hjá Pacers Körfubolti Beckham fimmtugur í dag Enski boltinn Fleiri fréttir Í beinni: Grindavík - Stjarnan | Gestirnir geta veitt náðarhöggið Í beinni: Man. City - Wolves | Fyrrum meistarar á tæpasta vaði „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ Dagskráin í dag: Allt undir í Smáranum „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ „Erum komnar til þess að fara alla leið“ Uppgjörið: Haukar - Njarðvík 86-79 | Haukar taka forystu í úrslitaeinvíginu Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Sjá meira