Líkamsárás og hnífaburður í miðbænum

Karlmaður á fertugsaldri var handtekinn í miðbæ Reykjavíkur um klukkan hálftíu í morgun vegna brota á vopnalögum. Að því er segir í tilkynningu frá lögreglu var maðurinn með tvo hnífa á sér og hafði verið ógna öðrum karlmanni með þeim.

Sá sem bar hnífana er sagður hafa verið í talsvert annarlegu ástandi vegna áfengis- og fíkniefnaneyslu og var vistaður í fangaklefa.

Lögregla var einnig kölluð á vettvang í miðbænum um klukkan fimm í nótt vegna tilkynningar um líkamsárás. Þar hafði karlmaður verið ítrekað sleginn í andlitið og þurfti að leita sér aðstoðar á slysadeild.

Árásarmaðurinn var farinn þegar lögreglu bar að vettvangi en upplýsingar eru sagðar liggja fyrir um hann.