Mannanafnanefnd hefur samþykkt nokkur ný nöfn með úrskurðum sem kveðnir voru upp þann 4. mars síðastliðinn en birtir á netinu í dag.
Nú má til dæmis bera millinafnið Kling sem óneitanlega vekur hugrenningatengsl við spákonuna Siggu Kling en í hennar tilfelli er Kling stytting á ættarnafninu Klingenberg.
Þá er einnig búið að samþykkja eiginnöfnin Ísbjört, Ára og Mæja fyrir konur og nöfnin Baui og Toddi fyrir karla.
Það má hins vegar ekki bera millinafnið Blom þar sem það „telst ekki dregið af íslenskum orðstofnum og fullnægir því ekki skilyrðum laga um mannanöfn,“ eins og segir í úrskurði mannanafnanefndar.
Má núna heita Kling og Ára en ekki Blom
Tengdar fréttir
Millinöfnunum Thor og Hólm hafnað
Nafninu Lady hafnað á ný en Valkyrja, Sæla og Brandís hlutu náð fyrir augum mannanafnanefndar.
Nöfnin Mírey, Diljar og Emir í lagi, Bjarkarr ekki
Fjögur ný nöfn hafa verið færð á mannanafnaskrá.
Má heita Gígí en ekki Einarr
Mannanafnanefnd hefur samþykkt fjögur ný eiginnöfn, þrjú kvenmannsnöfn og eitt karlmannsnafn.
