Hanna Rún og Nikita eru formlega stjörnupar Guðrún Ansnes skrifar 14. janúar 2016 10:00 Hanna Rún hóf nýverið að blogga og leyfir áhugasömum að fylgjast með sínu daglega lífi. Vísir/Stefán "Aldrei verið eins mikið að gera í danskennslunni hjá okkur hérna heima eins og eftir að við fluttum út,“ segir dansarinn Hanna Rún Bazev Óladóttir, sem dvelur á landinu um þessar mundir, en hún er búsett í Þýskalandi ásamt eiginmanni sínum og dansherra, Nikita Bazev, og litla drengnum þeirra, Vladimir Óla. „Það er eins og allir verði sjúkir í að koma núna, en þetta var ekki svona þegar við bjuggum hérna heima,“ bendir hún á og skellir upp úr. Hún kann þó vel að meta dvölina á klakanum, en hana var farið að lengja eftir snjókomunni í Þýskalandi. Hanna Rún, sem sagði í samtali við Fréttablaðið síðasta vor frá því hvernig hún hafi orðið fyrir barðinu á ævareiðum nettröllum og illri tungu Gróu á Leiti um árabil, segist finna fyrir snarlega breyttu viðhorfi og miklu meiri jákvæðni í sinn garð. „Ég vakna oftar en ekki á morgnana við að í pósthólfinu mínu eru hvatningarbréf frá konum sem ég þekki ekki neitt, og lendi auk þess gjarnan í að vera stoppuð úti á götu af ókunnugum sem ausa yfir mig hrósi,“ segir Hanna Rún, brosir og bætir við að dansheimurinn sé þó enn samur við sig. „Þar er baktalið, og verður alltaf. Ég hlusta hins vegar ekkert á það, þetta er afbrýðisemi og hún kemur ef maður er að gera eitthvað gott.“ Þar hittir Hanna Rún naglann á höfuðið, því að á árinu sem var að líða gekk henni einkar vel og unnu þau Nikita hvert mótið á fætur öðru. „Við ákváðum að þegar við snerum aftur, myndi ég ekki stíga á gólfið öðruvísi en að koma sterkari til leiks, þar sem ég ætlaði ekki að hlusta á fólk segja „hún er ekki jafn góð, hún er náttúrulega orðin mamma“, svo við æfðum rosalega mikið og gerðum einmitt það.“Alsæl með bikara, en parið var býsna sigursælt árið 2015Mynd/AðsendParið stimplaði sig rækilega inn, er það fékk titilinn Stjörnupar fyrst íslenskra dansara í lok ársins, en það er nafnbót sem gefin er þeim sem ná á topp fimmtíu á heimslistanum. „Það var markmið sem við höfðum sett okkur, en áður en ég varð ófrísk vorum við ansi nálægt. Í kjölfar barneignar var ég frá keppni í ár og féllum við því niður í sex hundraðasta og eitthvað sæti.“ Með elju og kappsemi tókst þeim Nikita að ná settu markmiði og geta talað um sig sem raunverulegt stjörnupar. „Þetta er vissulega gaman, en alls eru tvö þúsund og átta hundruð manns á listanum,“ segir hún kímin. Auk þess að brjóta þetta blað í sögu íslenskra dansara, gerðu þau sér lítið fyrir og rökuðu inn öllum þeim titlum sem þau gátu hönd á fest. „Nú tekur við heilt ár af nánast stanslausum ferðalögum, og næsta frí er ekki planað fyrr en í desember á næsta ári,“ segir Hanna, og bendir á að vegna mikils þrýstings hafi hún tekið upp á að byrja að blogga, og hafi fengið feiknagóðar viðtökur. „Ég er alltaf að fá fyrirspurnir um kjólana mína, förðunina og hvað við erum að gera, og það er alltaf svo mikið að gerast hjá okkur sem gaman er fyrir fólk að fylgjast með. Það eru rosalega mörg verkefni framundan, og ég get ekki upplýst um þau öll að svo stöddu,“ skýtur hún að í blálokin. Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Setja upp söngleiki, leikrit og tónleika í Háskólabíó í sumar Lífið Hafa ekki sést saman í sjö vikur Lífið Andri og Erla selja í Seljunum Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Sjá meira
"Aldrei verið eins mikið að gera í danskennslunni hjá okkur hérna heima eins og eftir að við fluttum út,“ segir dansarinn Hanna Rún Bazev Óladóttir, sem dvelur á landinu um þessar mundir, en hún er búsett í Þýskalandi ásamt eiginmanni sínum og dansherra, Nikita Bazev, og litla drengnum þeirra, Vladimir Óla. „Það er eins og allir verði sjúkir í að koma núna, en þetta var ekki svona þegar við bjuggum hérna heima,“ bendir hún á og skellir upp úr. Hún kann þó vel að meta dvölina á klakanum, en hana var farið að lengja eftir snjókomunni í Þýskalandi. Hanna Rún, sem sagði í samtali við Fréttablaðið síðasta vor frá því hvernig hún hafi orðið fyrir barðinu á ævareiðum nettröllum og illri tungu Gróu á Leiti um árabil, segist finna fyrir snarlega breyttu viðhorfi og miklu meiri jákvæðni í sinn garð. „Ég vakna oftar en ekki á morgnana við að í pósthólfinu mínu eru hvatningarbréf frá konum sem ég þekki ekki neitt, og lendi auk þess gjarnan í að vera stoppuð úti á götu af ókunnugum sem ausa yfir mig hrósi,“ segir Hanna Rún, brosir og bætir við að dansheimurinn sé þó enn samur við sig. „Þar er baktalið, og verður alltaf. Ég hlusta hins vegar ekkert á það, þetta er afbrýðisemi og hún kemur ef maður er að gera eitthvað gott.“ Þar hittir Hanna Rún naglann á höfuðið, því að á árinu sem var að líða gekk henni einkar vel og unnu þau Nikita hvert mótið á fætur öðru. „Við ákváðum að þegar við snerum aftur, myndi ég ekki stíga á gólfið öðruvísi en að koma sterkari til leiks, þar sem ég ætlaði ekki að hlusta á fólk segja „hún er ekki jafn góð, hún er náttúrulega orðin mamma“, svo við æfðum rosalega mikið og gerðum einmitt það.“Alsæl með bikara, en parið var býsna sigursælt árið 2015Mynd/AðsendParið stimplaði sig rækilega inn, er það fékk titilinn Stjörnupar fyrst íslenskra dansara í lok ársins, en það er nafnbót sem gefin er þeim sem ná á topp fimmtíu á heimslistanum. „Það var markmið sem við höfðum sett okkur, en áður en ég varð ófrísk vorum við ansi nálægt. Í kjölfar barneignar var ég frá keppni í ár og féllum við því niður í sex hundraðasta og eitthvað sæti.“ Með elju og kappsemi tókst þeim Nikita að ná settu markmiði og geta talað um sig sem raunverulegt stjörnupar. „Þetta er vissulega gaman, en alls eru tvö þúsund og átta hundruð manns á listanum,“ segir hún kímin. Auk þess að brjóta þetta blað í sögu íslenskra dansara, gerðu þau sér lítið fyrir og rökuðu inn öllum þeim titlum sem þau gátu hönd á fest. „Nú tekur við heilt ár af nánast stanslausum ferðalögum, og næsta frí er ekki planað fyrr en í desember á næsta ári,“ segir Hanna, og bendir á að vegna mikils þrýstings hafi hún tekið upp á að byrja að blogga, og hafi fengið feiknagóðar viðtökur. „Ég er alltaf að fá fyrirspurnir um kjólana mína, förðunina og hvað við erum að gera, og það er alltaf svo mikið að gerast hjá okkur sem gaman er fyrir fólk að fylgjast með. Það eru rosalega mörg verkefni framundan, og ég get ekki upplýst um þau öll að svo stöddu,“ skýtur hún að í blálokin.
Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Setja upp söngleiki, leikrit og tónleika í Háskólabíó í sumar Lífið Hafa ekki sést saman í sjö vikur Lífið Andri og Erla selja í Seljunum Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Sjá meira