Reykjavíkurflugvöllur verður aðeins opinn fyrir sjúkra- og neyðarflug frá klukkan 20 til klukkan sjö í fyrramálið. Þetta er vegna yfirvinnubanns hjá Félagi flugumferðarstjóra.
Aðeins einn flugumferðarstjóri verður á vaktinni á þessum tíma til þess að sinna neyðartilvikum ef þau koma upp. Hann mun þó ekki sinna öðru flugi.
Tvær lendingar voru áætlaðar á Reykjavíkurflugvelli eftir klukkan átta í kvöld, önnur frá Akureyri og hin frá Egilsstöðum. Hefur þeim verið flýtt. Þá hefur flugi frá Nuuk á Grænlandi verið aflýst.
Flýta flugferðum vegna lokunar á Reykjavíkurflugvelli
Tengdar fréttir
Ekkert áætlunarflug á Reykjavíkurflugvelli í nótt vegna yfirvinnubanns
Völlurinn er sem stendur aðeins opinn fyrir sjúkra- og neyðarflug.
