Pedersen velur stóran hóp fyrir undankeppni EM 2017

Craig Pedersen, þjálfari íslenska karlalandsliðsins í körfubolta, hefur valið æfingahóp fyrir leikina í undankeppni EM 2017 í haust.

Alls var 41 leikmaður valinn í hópinn en í fyrsta æfingahóp sinn boða Pedersen og aðstoðarmenn hans 22 leikmenn til æfinga.

Æft verður fram að helgi en þá munu þeir skera niður æfingahópinn og boða þá leikmenn sem þeir velja til áframhaldandi æfinga á næstu æfingar sem hefjast mánudaginn 25. júlí.

Þar munu þeir hitta fyrir þá leikmenn sem voru í landsliðinu í fyrra og æfðu ekki með fyrsta hópnum, auk þess sem nokkrir í U20 landsliði karla munu bætast í hópinn í kjölfarið, þegar þeir koma heim af EM sem fram fer í Grikklandi þessa dagana.

Framundan eru æfingar í ágúst ásamt æfingamóti í Austurríki 11.-14. ágúst þar sem íslenska liðið mætir landsliðum heimamanna, Póllands og Slóveníu.

Öll undirbúa þau sig fyrir undankeppnina sem hefst 31. ágúst með heimaleik Íslands gegn Sviss og í kjölfarið eru svo leikir gegn Belgíu og Kýpur, en þessi þrjú lið eru með okkur í riðlinum. Leikið verður heima og að heiman fram til 17. september.

Leikmannahópurinn er skipaður eftirtöldum leikmönnum:

Ari Gylfason • FSu

Austin Magnus Bracey • Snæfell

Axel Kárason • Svendborg Rabbits, Danmörk

Björgvin Ríkharður Hafþórsson • ÍR

Björn Kristjánsson • KR

Breki Gylfason • Breiðablik

Brynjar Þór Björnsson • KR

Dagur Kar Jónsson • St. Francis / Stjarnan

Darri Hilmarsson • KR

Elvar Már Friðriksson • Barry University / Njarðvík

Emil Barja • Haukar

Eysteinn Bjarni Ævarsson • Höttur

Finnur Atli Magnússon • Haukar

Gunnar Ólafsson • St. Francis / Keflavík

Haukur Helgi Pálsson • Njarðvík

Hjálmar Stefánsson • Haukar

Hlynur Bæringsson • Sundsvall Dragons, Svíþjóð

Hörður Axel Vilhjálmsson • Rythmos BC, Grikklandi

Jakob Örn Sigurðarson • Boras Basket, Svíþjóð

Jón Arnór Stefánsson • Valencia, Spáni

Jón Axel Guðmundsson • Davidson / Grindavík

Kári Jónsson • Drexler / Haukar

Kristinn Pálsson • Marist University / Njarðvík

Kristófer Acox • Furman University / KR

Logi Gunnarsson • Njarðvík

Maciej Baginskij • Njarðvík

Martin Hermannsson • LIU / KR

Matthías Orri Sigurðarson • Colombia University / ÍR

Ólafur Ólafsson • St. Clement, Frakklandi

Pavel Ermolinskij • KR

Pétur Rúnar Birgisson • Tindastóll

Ragnar Ágúst Nathanaelsson • Þór Þorlákshöfn

Sigurður Gunnar Þorsteinsson • Doxa Pefkon, Grikklandi

Snorri Hrafnkelsson • KR

Stefán Karel Torfason • Snæfell

Tómas Heiðar Tómasson Holton • Stjarnan

Tómas Hilmarsson • Stjarnan

Tryggvi Þór Hlinason • Þór Akureyri

Valur Orri Valsson • Keflavík

Viðar Ágústsson • Tindastóll

Ægir Þór Steinarsson • CB Penas Huesca, Spáni

Þjálfari: Craig Pedersen

Aðstoðarþjálfarar: Arnar Guðjónsson og Finnur Freyr Stefánsson