Febrúarspá Siggu Kling – Steingeit: Sérð sjálfa þig í réttu ljósi

Elsku besta steingeitin mín. Það er búinn að vera mikill hamagangur í kringum þig undanfarna tvo mánuði en lífið er að falla í ljúfa löð og færast í góðar skorður núna.

Það er eins og þú sjáir hlutina í öðru ljósi, finnir jafnvægið leika við þig og gerir þér grein fyrir því að þú getur ekki alltaf stjórnað öllu. Hugarró og æðruleysi eru verndarar þínir í gegnum febrúarmánuð.

Það er eins og þú forritir þig upp á nýtt og það er eins og það sé létt fyrir þig að skilja hismið frá kjarnanum og sleppa því að láta það sem skiptir ekki máli fara í taugarnar á þér. Þú sérð sjálfan þig í réttu ljósi og gengur áfram teinrétt inn í þetta tímabil.

Ég veit alveg að þú ert búin að taka að þér mikið af verkefnum undanfarði og finnst jafnvel eins og þú sért svolítið eftir á, en þetta smellur allt saman á réttum tíma og það eina sem þú þarft að æfa þig í er að vera ekki að pirra þig í núinu.

Það er mikill möguleiki á tilboðum í sambandi við vinnu eða verkefni og fólk sækir í þig sem aldrei fyrr.

Ef þú ert í skóla, þá muntu átta þig á því hvort þetta sé rétt nám fyrir þig og hvert þú vilt fara. Hugurinn verður eitthvað svo skýr og þessi skýrleiki hugans á við í öllu, líka í sambandi við ástina. Þú verður með það á hreinu hvort þú ætlar að halda henni og vera staðfastur í henni eða hvernig sem þú vilt hafa þetta.

Febrúar er mánuðurinn þar sem þú færð rétta útkomu, alveg sama hvaða tölur þú leggur saman!

Þú virðist ekki þurfa jafnmikið á hrósi að halda eins og oft áður því þú stendur einhvern veginn sterk og peppar sjálfa þig upp. Mundu bara, elsku steingeit, að til þess að vera sigurvegari þá þarf maður bara að halda áfram!

Knús og koss, Þín Sigga Kling

Frægar steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir, Jón Gnarr, Elvis Presley, Gunnar Þórðarson, Tómas Guðbjartsson læknahetja, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni.