Fjallar að mestu um bræðrasvik Guðrún Jóna Stefánsdóttir skrifar 16. nóvember 2016 21:00 Tökur á kvikmyndinni Mihkel hófust á mánudaginn og munu standa yfir fram á næsta vor. Leikstjóri myndarinnar er Ari Alexander Ergis Magnússon og Truenorth framleiðir myndina. Vísir/Anton „Hugmyndin kviknaði fyrst árið 2004 þegar ég var staddur í viðtali hjá Íslandi í dag ásamt Sigurjóni Sighvatssyni, við vorum nýkomnir heim frá New York, þar sem við vorum að mynda Björk og Sigur Rós á tónleikum, og vorum sem sagt mættir í viðtal vegna þess. Þegar við erum staddir í biðherbergi niðri á Stöð 2, áður en viðtalið fór fram, situr þar Jónas Ingi Ragnarsson, einn sakborningana í líkfundarmálinu svokallaða, þegar lík hins litháíska Vaidas Jucevisius fannst í höfninni í Neskaupstað 11. febrúar árið 2004 með fíkniefni innvortis. Hann var nýkominn út úr fangelsi á þessum tíma og fór að spjalla við okkur um sín mál, það sem mér fannst mjög áhugavert í frásögn hans var að einn aðilinn í málinu flýr heim til mömmu sinnar í atburðarásinni. Það var þá sem áhugi minn kviknaði fyrir gerð kvikmyndarinnar Mihkel,“ segir Ari Alexander Ergis Magnússon, handritshöfundur og leikstjóri, en Mihkel verður frumsýnd haustið 2017. Ari hefur mikinn áhuga á þessum heimi og segir kvikmyndina Kristjana F. sem byggð er á hinni heimsþekktu bók Dýragarðsbörnin hafa haft mikil áhrif á sig þegar hann var ungur. „Þetta greip mig rosalega, ég fékk samúð með þessum einstaklingi sem flúði til móður sinnar, og vildi fjalla um söguna út frá mannlega þættinum, það er að segja að skoða þetta út frá heildinni, þetta var auðvita bara eitt af mörgum tilfellum sem hafa átt sér stað hér á landi. Þetta gerist, og er oftar en ekki mannlegur harmleikur,“ segir Ari.Frá tökustað.Vísir/AntonMyndin er nútímasaga sem snýst um hörmuleg örlög manns sem var raunverulega til. Sagan fjallar um Mihkel og Veru, kærustu hans, sem dreymir um að flytja frá Eistlandi til Íslands. Óvæntir atburðir gerast sem hafa afdrifaríkar afleiðingar og enda með því að Mihkel er svikinn af sínum besta og elsta vini. „Ég er alls ekki að elta atburðinn sjálfan hvað varðar líkfundarmálið. Heldur fjallar myndin sjálf mikið um bræðrasvik. Hvernig þú getur staðið uppi sem maður, eftir að þú hefur svikið þinn besta vin. Ég er ekki að mata ákveðna hluti ofan í áhorfandann, heldur meira að velta upp spurningum. Mihkel og æskuvinur hans Igor eru frá litlu þorpi í Eistlandi og myndin sjálf er byggð á þeirra sögu. Myndin hefst í Eistlandi þegar Mihkel og Igor eru litlir strákar. Með hlutverk þeirra fara eistnesku leikararnir Paaru Oja og Kasper Velberg, þeir hafa báðir mikla reynslu sem leikarar og hafa unnið til fjölda verðlauna í kvikmyndabransanum í Eistlandi. „Þeir eru einar skærustu stjörnur í leiklistarheimi Eistlands, báðir alveg frábærir leikarar,“ segir hann. Ferli kvikmyndarinnar hefur tekið óralangan tíma og fjöldi aðila komið að myndinni. Árið 2008 fékkst styrkur frá Media, Evrópusjóði kvikmynda, og allt leit út fyrir að tökur gætu hafist.Áhugi Ara á að kvikmynda líkfundamálið kviknaði í biðherbergi á Stöð 2 árið 2004.Vísir/Anton„Svo fór því miður ekki, efnahagshrunið hafði það mikil áhrif að ekki var hægt að fara í tökur. Í ferlinu öllu hafa margir góðir aðilar komið að myndinni, en árið 2012 var ákveðið að fara aftur af stað og koma þá Friðrik Þór Friðriksson, Kristinn Þórðarson og Leifur B. Dagfinnsson hjá Truenorth að framleiðslu myndarinnar. Tökur á myndinni hófust á mánudaginn en fyrir utan eistnesku leikarana fara þeir Atli Rafn Sigurðarson og Tómas Lemarquis einnig með burðarhlutverk í myndinni. „Stemningin á fyrsta tökudegi var virkilega góð, það gekk allt rosalega vel, þetta er algjört draumalið sem er með okkur. Tökur koma til með að fara fram næstu vikur í Reykjavík, Kópavogi, Hafnarfirði og Keflavík. Í framhaldinu færum við okkur svo til Djúpavogs og svo Rússlands í janúar og endum svo í Eistlandi í vor,“ segir Ari. Bíó og sjónvarp Tengdar fréttir Búið að ráða leikara fyrir íslenska kvikmynd sem fjallar um líkfundarmálið Nú er búið að ráða leikara í íslenska kvikmynd sem fjallar um atburði sem gerðust hér á landi þegar lík fannst í sjónum árið 2004. 11. nóvember 2016 12:30 Mest lesið „Endurtek í sífellu: Ég vil ekki deyja, ég vil ekki deyja“ Áskorun „Ég hef aldrei reynt að verða nokkur skapaður hlutur“ Tónlist Átta ára með sinn eigin bíl á bílasýningu á Akureyri Lífið Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Þjóðarsálin í reiðhöllinni Lífið Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Heilmikil skemmtidagskrá og samsöngur á Þingvöllum í dag Lífið Lofar svakalegri veislu Tónlist Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
„Hugmyndin kviknaði fyrst árið 2004 þegar ég var staddur í viðtali hjá Íslandi í dag ásamt Sigurjóni Sighvatssyni, við vorum nýkomnir heim frá New York, þar sem við vorum að mynda Björk og Sigur Rós á tónleikum, og vorum sem sagt mættir í viðtal vegna þess. Þegar við erum staddir í biðherbergi niðri á Stöð 2, áður en viðtalið fór fram, situr þar Jónas Ingi Ragnarsson, einn sakborningana í líkfundarmálinu svokallaða, þegar lík hins litháíska Vaidas Jucevisius fannst í höfninni í Neskaupstað 11. febrúar árið 2004 með fíkniefni innvortis. Hann var nýkominn út úr fangelsi á þessum tíma og fór að spjalla við okkur um sín mál, það sem mér fannst mjög áhugavert í frásögn hans var að einn aðilinn í málinu flýr heim til mömmu sinnar í atburðarásinni. Það var þá sem áhugi minn kviknaði fyrir gerð kvikmyndarinnar Mihkel,“ segir Ari Alexander Ergis Magnússon, handritshöfundur og leikstjóri, en Mihkel verður frumsýnd haustið 2017. Ari hefur mikinn áhuga á þessum heimi og segir kvikmyndina Kristjana F. sem byggð er á hinni heimsþekktu bók Dýragarðsbörnin hafa haft mikil áhrif á sig þegar hann var ungur. „Þetta greip mig rosalega, ég fékk samúð með þessum einstaklingi sem flúði til móður sinnar, og vildi fjalla um söguna út frá mannlega þættinum, það er að segja að skoða þetta út frá heildinni, þetta var auðvita bara eitt af mörgum tilfellum sem hafa átt sér stað hér á landi. Þetta gerist, og er oftar en ekki mannlegur harmleikur,“ segir Ari.Frá tökustað.Vísir/AntonMyndin er nútímasaga sem snýst um hörmuleg örlög manns sem var raunverulega til. Sagan fjallar um Mihkel og Veru, kærustu hans, sem dreymir um að flytja frá Eistlandi til Íslands. Óvæntir atburðir gerast sem hafa afdrifaríkar afleiðingar og enda með því að Mihkel er svikinn af sínum besta og elsta vini. „Ég er alls ekki að elta atburðinn sjálfan hvað varðar líkfundarmálið. Heldur fjallar myndin sjálf mikið um bræðrasvik. Hvernig þú getur staðið uppi sem maður, eftir að þú hefur svikið þinn besta vin. Ég er ekki að mata ákveðna hluti ofan í áhorfandann, heldur meira að velta upp spurningum. Mihkel og æskuvinur hans Igor eru frá litlu þorpi í Eistlandi og myndin sjálf er byggð á þeirra sögu. Myndin hefst í Eistlandi þegar Mihkel og Igor eru litlir strákar. Með hlutverk þeirra fara eistnesku leikararnir Paaru Oja og Kasper Velberg, þeir hafa báðir mikla reynslu sem leikarar og hafa unnið til fjölda verðlauna í kvikmyndabransanum í Eistlandi. „Þeir eru einar skærustu stjörnur í leiklistarheimi Eistlands, báðir alveg frábærir leikarar,“ segir hann. Ferli kvikmyndarinnar hefur tekið óralangan tíma og fjöldi aðila komið að myndinni. Árið 2008 fékkst styrkur frá Media, Evrópusjóði kvikmynda, og allt leit út fyrir að tökur gætu hafist.Áhugi Ara á að kvikmynda líkfundamálið kviknaði í biðherbergi á Stöð 2 árið 2004.Vísir/Anton„Svo fór því miður ekki, efnahagshrunið hafði það mikil áhrif að ekki var hægt að fara í tökur. Í ferlinu öllu hafa margir góðir aðilar komið að myndinni, en árið 2012 var ákveðið að fara aftur af stað og koma þá Friðrik Þór Friðriksson, Kristinn Þórðarson og Leifur B. Dagfinnsson hjá Truenorth að framleiðslu myndarinnar. Tökur á myndinni hófust á mánudaginn en fyrir utan eistnesku leikarana fara þeir Atli Rafn Sigurðarson og Tómas Lemarquis einnig með burðarhlutverk í myndinni. „Stemningin á fyrsta tökudegi var virkilega góð, það gekk allt rosalega vel, þetta er algjört draumalið sem er með okkur. Tökur koma til með að fara fram næstu vikur í Reykjavík, Kópavogi, Hafnarfirði og Keflavík. Í framhaldinu færum við okkur svo til Djúpavogs og svo Rússlands í janúar og endum svo í Eistlandi í vor,“ segir Ari.
Bíó og sjónvarp Tengdar fréttir Búið að ráða leikara fyrir íslenska kvikmynd sem fjallar um líkfundarmálið Nú er búið að ráða leikara í íslenska kvikmynd sem fjallar um atburði sem gerðust hér á landi þegar lík fannst í sjónum árið 2004. 11. nóvember 2016 12:30 Mest lesið „Endurtek í sífellu: Ég vil ekki deyja, ég vil ekki deyja“ Áskorun „Ég hef aldrei reynt að verða nokkur skapaður hlutur“ Tónlist Átta ára með sinn eigin bíl á bílasýningu á Akureyri Lífið Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Þjóðarsálin í reiðhöllinni Lífið Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Heilmikil skemmtidagskrá og samsöngur á Þingvöllum í dag Lífið Lofar svakalegri veislu Tónlist Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Búið að ráða leikara fyrir íslenska kvikmynd sem fjallar um líkfundarmálið Nú er búið að ráða leikara í íslenska kvikmynd sem fjallar um atburði sem gerðust hér á landi þegar lík fannst í sjónum árið 2004. 11. nóvember 2016 12:30