Marsspá Siggu Kling – Vatnsberi: Í þér búa miklir töfrar

Elsku vatnsberinn minn. Ástin er eins og kraftmikill eldur og ástin er segulstál og í þér er svo mikill kraftur og þú þarft að hafa ástina ólgandi í kringum þig.

Þú ert að koma úr miklu tilfinningaflóði og álagi á sálina og sveiflast á milli þess að vera þakklátur og ánægður og niður í að vera dapur og svartsýnn. En þú ert miklu seigari við að ná þér út úr tilfinningarússíbana en hin merkin, elsku vatnsberinn minn.

Þú ert þessi mikli leiðari eins og Yoko Ono, dásamlegi vatnsberinn okkar sem setti friðarljósið í Viðey.

Það er svo mikilvægt að þú sjáir að þér er ætlað að tengja fólk saman og í þér býr máttur sem minnir á sterka dýrlinga. Dýrlingur er sá sem gefur öðrum eitthvað sem hann þarf sjálfur á að halda en gefur það frá sér til þess að hjálpa. Þetta verður sterkt afl hjá þér.

Þú fyllist svo miklum krafti með því að vera góður og að sjálfsögðu munu einhverjir notfæra sér það. Það verður alltaf til svoleiðis fólk svo ekki spá í því í eina mínútu eða eyða kröftum í það.

Þú átt eftir að finna auðveldari leið til að afla betri tekna þó að þú vinnir jafnvel minna. Þú átt líka eftir að finna auðveldari leið ef þú ert í námi, að skrifa ritgerð eða þarft að skila af þér einhverju merkilegu.

Á þessum tíma er mikilvægt að sækja um styrki og búast við því að lífið sé að færa þér mikla og merkilega hluti því að það er í kortunum þínum.

Orkan þín verður eins og þú sért sjálf frelsisstyttan og þú finnur hamingju í því að hafa fundið leið út úr andlegu álagi sem var við það að kæfa þig.

Plánetan þín Úranus er svo mögnuð og dularfull og það eru allir svo forvitnir um hana og vilja rannsaka hana aðeins meira. Svoleiðis ert þú líka, það búa svo miklir töfrar í þér og þú skalt treysta þér í það sem þú býst ekki við að þú getir.

Þú þarft að vera með það á hreinu að í ástinni búi jafningi þinn sem hjálpar þér að gera lífið spennandi. Það er það sem skiptir máli.

Ég er búinn til úr sjálfstrausti er dásamlegt mottó fyrir þig í mars elsku hjartans vatnsberi.

Frægir vatnsberar: Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona, Höddi Magg, Andrea Róberts, mannauður.