Sögulok á Stade de France Eiríkur Stefán Ásgeirsson skrifar 4. júlí 2016 06:00 Lokaskrefin. Fyrirliðinn Aron Einar Gunnarsson gengur hér af velli eftir orrustuna við Frakka í gær. fréttablaðið/vilhelm Einhverjum merkasta kafla í íslenskri íþróttasögu lauk á Stade de France, þjóðarleikvangi Frakklands, þegar Ísland varð að játa sig sigrað gegn gríðarsterku liði heimamanna. Frakkland komst áfram í undanúrslit EM á sínum heimavelli með sannfærandi 5-2 sigri, eftir að hafa leitt 4-0 í hálfleik. Ísland var hins vegar úr leik eftir hetjulega framgöngu sína á Evrópumótinu í Frakklandi en þetta var fyrsti, og eini, tapleikur okkar manna á mótinu. Um leið og leiknum lauk var ljóst að starfi Lars Lagerbäck sem landsliðsþjálfara Íslands var lokið. Hann gegndi starfinu í fjögur og hálft ár sem markar um leið mesta blómaskeið í sögu íslenskrar knattspyrnu. Lagerbäck tók við særðu íslensku landsliði sem vissi að það bjó miklu meira í því en það hafði sýnt og færði það, ásamt Heimi Hallgrímssyni, meðþjálfara sínum síðustu tvö árin, í áður óþekktar hæðir.Mættum ofjörlum okkar Það brást enginn íslenskri knattspyrnu í gær. Ekki þjálfararnir, ekki leikmennirnir og ekki þeir sem standa að liðinu á einn eða annan hátt. Í gær mætti Ísland ofjörlum sínum á knattspyrnuvellinum. Afar sterku frönsku liði sem sýndi ekki aðeins í gærkvöldi heldur í aðdraganda leiksins að það bæri virðingu fyrir Íslandi og teldi það verðugan andstæðing. Didier Deschamps hafði greinilega undirbúið lið sitt mjög vel og brást við leikbanni tveggja lykilmanna með því að færa leikmenn til og breyta um leikkerfi sem hentaði vel gegn íslenska liðinu. Það skilaði tilætluðum árangri – Olivier Giroud, Paul Pogba, Dimitri Payet og Antoine Griezmann skoruðu allir í fyrri hálfleik og gerðu þá út um leikinn. Þetta var versti hálfleikur Íslands í keppninni og refsuðu Frakkar grimmilega fyrir hver mistök sem okkar menn gerðu.Strákarnir þakka fyrir sig.vísir/vilhelmÍslendingar mættu af krafti inn í síðari hálfleikinn og uppskáru mark snemma er Kolbeinn Sigþórsson skoraði af stuttu færi eftir sendingu Gylfa Þórs Sigurðssonar. En þá kom enn eitt kjaftshöggið er Giroud skoraði öðru sinni eftir slæmt úthlaup Hannesar Þórs Halldórssonar í marki Íslands. Undir lokin skoraði þó Birkir Bjarnason sárabótarmark með skalla eftir sendingu Ara Freys Skúlasonar.Tek hatt minn ofan fyrir Íslandi „Ég er ánægður fyrir hönd Íslands. Afrek þeirra er frábært. Að skora tvö mörk er verðlaun fyrir Íslendinga. En við skoruðum fimm og ég er ánægður með það þó svo að ég hafi ekki verið ánægður með að fá þessi tvö á okkur,“ sagði Deschamps eftir leikinn í gær. „En þetta var merkilegt fyrir Ísland og ég tek hatt minn ofan fyrir öllu því sem Ísland hefur afrekað á þessu móti.“ Viðhorf franska þjálfarans endurspeglar viðhorf fleiri, ekki síst stuðningsmannanna sjálfra sem sungu frá fyrstu mínútu til þeirrar síðustu á Stade de France og blésu lífi í okkar menn þegar þeir þurftu mest á stuðningnum að halda. Leikmenn Íslands voru vonsviknir þegar þeir gengu til stuðningsmanna í gær en tóku samt undir í „víkingaklappinu“ í lokaskiptið á EM í Frakklandi. Það var stund sem verður lengi í minnum höfð enda hefur víkingaklappið farið sigurför um heiminn og er eitt sterkasta táknið um velgengni þessa magnaða íslenska landsliðs og sigurför þess á sínu fyrsta stórmóti í knattspyrnu.Ég finn það í hjartanu Lars Lagerbäck var þakklátur á blaðamannafundi eftir leik. Þakklátur öllum þeim sem hann hefur starfað með í kringum landsliðið en ekki síst þakklátur fyrir stuðningsmenn íslenska liðsins. Hann var spurður hvaða minningar stæðu upp úr eftir hans langa feril í knattspyrnunni. Hann nefndi nokkur augnablik með sænska landsliðinu en sagði að tími hans með því íslenska væri honum afar ofarlega í huga. „Ég finn það í hjartanu hversu nærri mér þetta stendur. Ég naut þess að starfa á Íslandi og það hafa verið forréttindi að taka þátt í þessu ferðalagi,“ sagði hann. „Það hefur verið virkilega sérstakt. Ísland á sér sérstakan stað í mínu hjarta.“ EM 2016 í Frakklandi Mest lesið „Versta ákvörðun í sögu Meistaradeildarinnar“ Fótbolti Stendur með Salah og skilur pirring hans Enski boltinn Ættingjarnir ábyggilega þreyttir á manni Handbolti Ten Hag segir sitt lið þróttmikið og eitt af þeim skemmtilegri í deildinni Enski boltinn Sjáðu ótrúlegan vítadóm í Keflavík og fernu Söndru Maríu Íslenski boltinn Klopp: Verð hamingjusamur ef rétt ákvörðun er tekin Enski boltinn LeBron og Davis köstuðu líflínu til Lakers Körfubolti Dagskráin í dag: Fyrsti grasleikur sumarsins, úrslitakeppni í Subway og svo mikið meira Sport Spila loks vestur í bæ: „Held það verði fullt í Frostaskjólinu frá hádegi“ Íslenski boltinn Salah eftir rifrildið við Klopp: „Ef ég tala mun allt loga“ Enski boltinn Fleiri fréttir Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Stendur með Salah og skilur pirring hans „Versta ákvörðun í sögu Meistaradeildarinnar“ Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Sandra María: Vil gera betur en í fyrra Klopp: Verð hamingjusamur ef rétt ákvörðun er tekin Meistaraþynnka Leverkusen entist ekki og liðið enn taplaust Evrópumeistarar Barcelona sneru dæminu við og eru komnar í úrslit Uppgjörið og viðtöl: FH - Þór/KA 0-4 | Óvæntur stórsigur gestanna Uppgjör og viðtöl: Breiðablik - Tindastóll 3-0 | Sannfærandi sigur Blika á kraftmiklum Stólum Guðrún skoraði og með fullt hús stiga á toppnum „Við þurfum að þekkja okkar vitjunartíma og taka færin“ Uppgjörið og viðtöl: Þróttur R. - Valur 1-2 | Amanda heldur áfram að skora „Við erum ekki að fara rúlla yfir eitt eða neitt mót“ Sharts í aðalhlutverki í endurkomusigri Stjörnunnar Uppgjörið: Víkingur R. - Fylkir 2-2 | Jafnt í nýliðaslagnum Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Messi minnist fallins félaga Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Hrósar Alonso fyrir að taka ekki við Liverpool eða Bayern: „Þarf ekki að sanna neitt“ Arteta hefur beðið Wenger um ráð hvernig eigi að verða meistari Sjá meira
Einhverjum merkasta kafla í íslenskri íþróttasögu lauk á Stade de France, þjóðarleikvangi Frakklands, þegar Ísland varð að játa sig sigrað gegn gríðarsterku liði heimamanna. Frakkland komst áfram í undanúrslit EM á sínum heimavelli með sannfærandi 5-2 sigri, eftir að hafa leitt 4-0 í hálfleik. Ísland var hins vegar úr leik eftir hetjulega framgöngu sína á Evrópumótinu í Frakklandi en þetta var fyrsti, og eini, tapleikur okkar manna á mótinu. Um leið og leiknum lauk var ljóst að starfi Lars Lagerbäck sem landsliðsþjálfara Íslands var lokið. Hann gegndi starfinu í fjögur og hálft ár sem markar um leið mesta blómaskeið í sögu íslenskrar knattspyrnu. Lagerbäck tók við særðu íslensku landsliði sem vissi að það bjó miklu meira í því en það hafði sýnt og færði það, ásamt Heimi Hallgrímssyni, meðþjálfara sínum síðustu tvö árin, í áður óþekktar hæðir.Mættum ofjörlum okkar Það brást enginn íslenskri knattspyrnu í gær. Ekki þjálfararnir, ekki leikmennirnir og ekki þeir sem standa að liðinu á einn eða annan hátt. Í gær mætti Ísland ofjörlum sínum á knattspyrnuvellinum. Afar sterku frönsku liði sem sýndi ekki aðeins í gærkvöldi heldur í aðdraganda leiksins að það bæri virðingu fyrir Íslandi og teldi það verðugan andstæðing. Didier Deschamps hafði greinilega undirbúið lið sitt mjög vel og brást við leikbanni tveggja lykilmanna með því að færa leikmenn til og breyta um leikkerfi sem hentaði vel gegn íslenska liðinu. Það skilaði tilætluðum árangri – Olivier Giroud, Paul Pogba, Dimitri Payet og Antoine Griezmann skoruðu allir í fyrri hálfleik og gerðu þá út um leikinn. Þetta var versti hálfleikur Íslands í keppninni og refsuðu Frakkar grimmilega fyrir hver mistök sem okkar menn gerðu.Strákarnir þakka fyrir sig.vísir/vilhelmÍslendingar mættu af krafti inn í síðari hálfleikinn og uppskáru mark snemma er Kolbeinn Sigþórsson skoraði af stuttu færi eftir sendingu Gylfa Þórs Sigurðssonar. En þá kom enn eitt kjaftshöggið er Giroud skoraði öðru sinni eftir slæmt úthlaup Hannesar Þórs Halldórssonar í marki Íslands. Undir lokin skoraði þó Birkir Bjarnason sárabótarmark með skalla eftir sendingu Ara Freys Skúlasonar.Tek hatt minn ofan fyrir Íslandi „Ég er ánægður fyrir hönd Íslands. Afrek þeirra er frábært. Að skora tvö mörk er verðlaun fyrir Íslendinga. En við skoruðum fimm og ég er ánægður með það þó svo að ég hafi ekki verið ánægður með að fá þessi tvö á okkur,“ sagði Deschamps eftir leikinn í gær. „En þetta var merkilegt fyrir Ísland og ég tek hatt minn ofan fyrir öllu því sem Ísland hefur afrekað á þessu móti.“ Viðhorf franska þjálfarans endurspeglar viðhorf fleiri, ekki síst stuðningsmannanna sjálfra sem sungu frá fyrstu mínútu til þeirrar síðustu á Stade de France og blésu lífi í okkar menn þegar þeir þurftu mest á stuðningnum að halda. Leikmenn Íslands voru vonsviknir þegar þeir gengu til stuðningsmanna í gær en tóku samt undir í „víkingaklappinu“ í lokaskiptið á EM í Frakklandi. Það var stund sem verður lengi í minnum höfð enda hefur víkingaklappið farið sigurför um heiminn og er eitt sterkasta táknið um velgengni þessa magnaða íslenska landsliðs og sigurför þess á sínu fyrsta stórmóti í knattspyrnu.Ég finn það í hjartanu Lars Lagerbäck var þakklátur á blaðamannafundi eftir leik. Þakklátur öllum þeim sem hann hefur starfað með í kringum landsliðið en ekki síst þakklátur fyrir stuðningsmenn íslenska liðsins. Hann var spurður hvaða minningar stæðu upp úr eftir hans langa feril í knattspyrnunni. Hann nefndi nokkur augnablik með sænska landsliðinu en sagði að tími hans með því íslenska væri honum afar ofarlega í huga. „Ég finn það í hjartanu hversu nærri mér þetta stendur. Ég naut þess að starfa á Íslandi og það hafa verið forréttindi að taka þátt í þessu ferðalagi,“ sagði hann. „Það hefur verið virkilega sérstakt. Ísland á sér sérstakan stað í mínu hjarta.“
EM 2016 í Frakklandi Mest lesið „Versta ákvörðun í sögu Meistaradeildarinnar“ Fótbolti Stendur með Salah og skilur pirring hans Enski boltinn Ættingjarnir ábyggilega þreyttir á manni Handbolti Ten Hag segir sitt lið þróttmikið og eitt af þeim skemmtilegri í deildinni Enski boltinn Sjáðu ótrúlegan vítadóm í Keflavík og fernu Söndru Maríu Íslenski boltinn Klopp: Verð hamingjusamur ef rétt ákvörðun er tekin Enski boltinn LeBron og Davis köstuðu líflínu til Lakers Körfubolti Dagskráin í dag: Fyrsti grasleikur sumarsins, úrslitakeppni í Subway og svo mikið meira Sport Spila loks vestur í bæ: „Held það verði fullt í Frostaskjólinu frá hádegi“ Íslenski boltinn Salah eftir rifrildið við Klopp: „Ef ég tala mun allt loga“ Enski boltinn Fleiri fréttir Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Stendur með Salah og skilur pirring hans „Versta ákvörðun í sögu Meistaradeildarinnar“ Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Sandra María: Vil gera betur en í fyrra Klopp: Verð hamingjusamur ef rétt ákvörðun er tekin Meistaraþynnka Leverkusen entist ekki og liðið enn taplaust Evrópumeistarar Barcelona sneru dæminu við og eru komnar í úrslit Uppgjörið og viðtöl: FH - Þór/KA 0-4 | Óvæntur stórsigur gestanna Uppgjör og viðtöl: Breiðablik - Tindastóll 3-0 | Sannfærandi sigur Blika á kraftmiklum Stólum Guðrún skoraði og með fullt hús stiga á toppnum „Við þurfum að þekkja okkar vitjunartíma og taka færin“ Uppgjörið og viðtöl: Þróttur R. - Valur 1-2 | Amanda heldur áfram að skora „Við erum ekki að fara rúlla yfir eitt eða neitt mót“ Sharts í aðalhlutverki í endurkomusigri Stjörnunnar Uppgjörið: Víkingur R. - Fylkir 2-2 | Jafnt í nýliðaslagnum Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Messi minnist fallins félaga Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Hrósar Alonso fyrir að taka ekki við Liverpool eða Bayern: „Þarf ekki að sanna neitt“ Arteta hefur beðið Wenger um ráð hvernig eigi að verða meistari Sjá meira