Sögulok á Stade de France Eiríkur Stefán Ásgeirsson skrifar 4. júlí 2016 06:00 Lokaskrefin. Fyrirliðinn Aron Einar Gunnarsson gengur hér af velli eftir orrustuna við Frakka í gær. fréttablaðið/vilhelm Einhverjum merkasta kafla í íslenskri íþróttasögu lauk á Stade de France, þjóðarleikvangi Frakklands, þegar Ísland varð að játa sig sigrað gegn gríðarsterku liði heimamanna. Frakkland komst áfram í undanúrslit EM á sínum heimavelli með sannfærandi 5-2 sigri, eftir að hafa leitt 4-0 í hálfleik. Ísland var hins vegar úr leik eftir hetjulega framgöngu sína á Evrópumótinu í Frakklandi en þetta var fyrsti, og eini, tapleikur okkar manna á mótinu. Um leið og leiknum lauk var ljóst að starfi Lars Lagerbäck sem landsliðsþjálfara Íslands var lokið. Hann gegndi starfinu í fjögur og hálft ár sem markar um leið mesta blómaskeið í sögu íslenskrar knattspyrnu. Lagerbäck tók við særðu íslensku landsliði sem vissi að það bjó miklu meira í því en það hafði sýnt og færði það, ásamt Heimi Hallgrímssyni, meðþjálfara sínum síðustu tvö árin, í áður óþekktar hæðir.Mættum ofjörlum okkar Það brást enginn íslenskri knattspyrnu í gær. Ekki þjálfararnir, ekki leikmennirnir og ekki þeir sem standa að liðinu á einn eða annan hátt. Í gær mætti Ísland ofjörlum sínum á knattspyrnuvellinum. Afar sterku frönsku liði sem sýndi ekki aðeins í gærkvöldi heldur í aðdraganda leiksins að það bæri virðingu fyrir Íslandi og teldi það verðugan andstæðing. Didier Deschamps hafði greinilega undirbúið lið sitt mjög vel og brást við leikbanni tveggja lykilmanna með því að færa leikmenn til og breyta um leikkerfi sem hentaði vel gegn íslenska liðinu. Það skilaði tilætluðum árangri – Olivier Giroud, Paul Pogba, Dimitri Payet og Antoine Griezmann skoruðu allir í fyrri hálfleik og gerðu þá út um leikinn. Þetta var versti hálfleikur Íslands í keppninni og refsuðu Frakkar grimmilega fyrir hver mistök sem okkar menn gerðu.Strákarnir þakka fyrir sig.vísir/vilhelmÍslendingar mættu af krafti inn í síðari hálfleikinn og uppskáru mark snemma er Kolbeinn Sigþórsson skoraði af stuttu færi eftir sendingu Gylfa Þórs Sigurðssonar. En þá kom enn eitt kjaftshöggið er Giroud skoraði öðru sinni eftir slæmt úthlaup Hannesar Þórs Halldórssonar í marki Íslands. Undir lokin skoraði þó Birkir Bjarnason sárabótarmark með skalla eftir sendingu Ara Freys Skúlasonar.Tek hatt minn ofan fyrir Íslandi „Ég er ánægður fyrir hönd Íslands. Afrek þeirra er frábært. Að skora tvö mörk er verðlaun fyrir Íslendinga. En við skoruðum fimm og ég er ánægður með það þó svo að ég hafi ekki verið ánægður með að fá þessi tvö á okkur,“ sagði Deschamps eftir leikinn í gær. „En þetta var merkilegt fyrir Ísland og ég tek hatt minn ofan fyrir öllu því sem Ísland hefur afrekað á þessu móti.“ Viðhorf franska þjálfarans endurspeglar viðhorf fleiri, ekki síst stuðningsmannanna sjálfra sem sungu frá fyrstu mínútu til þeirrar síðustu á Stade de France og blésu lífi í okkar menn þegar þeir þurftu mest á stuðningnum að halda. Leikmenn Íslands voru vonsviknir þegar þeir gengu til stuðningsmanna í gær en tóku samt undir í „víkingaklappinu“ í lokaskiptið á EM í Frakklandi. Það var stund sem verður lengi í minnum höfð enda hefur víkingaklappið farið sigurför um heiminn og er eitt sterkasta táknið um velgengni þessa magnaða íslenska landsliðs og sigurför þess á sínu fyrsta stórmóti í knattspyrnu.Ég finn það í hjartanu Lars Lagerbäck var þakklátur á blaðamannafundi eftir leik. Þakklátur öllum þeim sem hann hefur starfað með í kringum landsliðið en ekki síst þakklátur fyrir stuðningsmenn íslenska liðsins. Hann var spurður hvaða minningar stæðu upp úr eftir hans langa feril í knattspyrnunni. Hann nefndi nokkur augnablik með sænska landsliðinu en sagði að tími hans með því íslenska væri honum afar ofarlega í huga. „Ég finn það í hjartanu hversu nærri mér þetta stendur. Ég naut þess að starfa á Íslandi og það hafa verið forréttindi að taka þátt í þessu ferðalagi,“ sagði hann. „Það hefur verið virkilega sérstakt. Ísland á sér sérstakan stað í mínu hjarta.“ EM 2016 í Frakklandi Mest lesið Rooney sakar meidda leikmenn United um að vilja ekki spila Enski boltinn Segir að staðan hjá United sé miklu verri en hún var hjá Moyes Enski boltinn „Vonandi gerir hann aftur eitthvað svona heimskulegt“ Körfubolti Sjáðu rauðu spjöld KR-inga, mark beint úr horni og öll hin mörkin í gær Íslenski boltinn „Ekki nógu illa gefinn til að átta mig ekki á því“ Körfubolti Havertz: „Verð mesti stuðningsmaður Tottenham í sögunni“ Enski boltinn Sungu nafn Arnórs hástöfum Fótbolti Atlanta Hawks fá fyrsta valrétt í nýliðavalinu Körfubolti „Allt þetta umtal um hvernig hann hagar sér er orðið þreytt“ Körfubolti Dagskráin í dag: Oddaleikur og fleira Sport Fleiri fréttir Saka Casemiro um leti: „Hreyfðu fæturna á þér“ Líkir Havertz við Liverpool-hetju Segir að staðan hjá United sé miklu verri en hún var hjá Moyes Sungu nafn Arnórs hástöfum Sjáðu rauðu spjöld KR-inga, mark beint úr horni og öll hin mörkin í gær Havertz: „Verð mesti stuðningsmaður Tottenham í sögunni“ Rooney sakar meidda leikmenn United um að vilja ekki spila „Höfum ekki haft neitt svigrúm til að gera mistök“ „Þetta er saga tímabilsins og það gengur ekki lengur“ „Það er eitt að vera góður og annað að fá eitthvað fyrir það“ „Förum glaðir úr Lautinni“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Atalanta skrefi nær Meistaradeildarsæti Gregg: Algjörlega óásættanlegt Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Sveindís Jane á skotskónum í sigurleik Sverrir Ingi hafði betur í Íslendingaslagnum Jafntefli eftir óvænt brotthvarf Óskars Orri mikilvægur gegn erkióvinum og FCK á toppinn Uppgjör: KR-HK 1-2 | Frækinn sigur HK á Meistaravöllum Fyrsti stóri titill United-kvenna Enn ekkert skorað í umspilinu Trossard skaut Arsenal á toppinn Hlín allt í öllu í sigri Kristianstad Sonur Kristbjargar fagnaði góðum sigri Langþráð endurkoma Valgeirs Ótrúlegur árangur Glódísar og Bayern en Selma fallin Þórir hélt Braunschweig uppi og gerði Sveini greiða Leeds í fínum málum eftir fyrri leikinn „Skulda mér mikinn pening þarna hjá Lyngby“ Sjá meira
Einhverjum merkasta kafla í íslenskri íþróttasögu lauk á Stade de France, þjóðarleikvangi Frakklands, þegar Ísland varð að játa sig sigrað gegn gríðarsterku liði heimamanna. Frakkland komst áfram í undanúrslit EM á sínum heimavelli með sannfærandi 5-2 sigri, eftir að hafa leitt 4-0 í hálfleik. Ísland var hins vegar úr leik eftir hetjulega framgöngu sína á Evrópumótinu í Frakklandi en þetta var fyrsti, og eini, tapleikur okkar manna á mótinu. Um leið og leiknum lauk var ljóst að starfi Lars Lagerbäck sem landsliðsþjálfara Íslands var lokið. Hann gegndi starfinu í fjögur og hálft ár sem markar um leið mesta blómaskeið í sögu íslenskrar knattspyrnu. Lagerbäck tók við særðu íslensku landsliði sem vissi að það bjó miklu meira í því en það hafði sýnt og færði það, ásamt Heimi Hallgrímssyni, meðþjálfara sínum síðustu tvö árin, í áður óþekktar hæðir.Mættum ofjörlum okkar Það brást enginn íslenskri knattspyrnu í gær. Ekki þjálfararnir, ekki leikmennirnir og ekki þeir sem standa að liðinu á einn eða annan hátt. Í gær mætti Ísland ofjörlum sínum á knattspyrnuvellinum. Afar sterku frönsku liði sem sýndi ekki aðeins í gærkvöldi heldur í aðdraganda leiksins að það bæri virðingu fyrir Íslandi og teldi það verðugan andstæðing. Didier Deschamps hafði greinilega undirbúið lið sitt mjög vel og brást við leikbanni tveggja lykilmanna með því að færa leikmenn til og breyta um leikkerfi sem hentaði vel gegn íslenska liðinu. Það skilaði tilætluðum árangri – Olivier Giroud, Paul Pogba, Dimitri Payet og Antoine Griezmann skoruðu allir í fyrri hálfleik og gerðu þá út um leikinn. Þetta var versti hálfleikur Íslands í keppninni og refsuðu Frakkar grimmilega fyrir hver mistök sem okkar menn gerðu.Strákarnir þakka fyrir sig.vísir/vilhelmÍslendingar mættu af krafti inn í síðari hálfleikinn og uppskáru mark snemma er Kolbeinn Sigþórsson skoraði af stuttu færi eftir sendingu Gylfa Þórs Sigurðssonar. En þá kom enn eitt kjaftshöggið er Giroud skoraði öðru sinni eftir slæmt úthlaup Hannesar Þórs Halldórssonar í marki Íslands. Undir lokin skoraði þó Birkir Bjarnason sárabótarmark með skalla eftir sendingu Ara Freys Skúlasonar.Tek hatt minn ofan fyrir Íslandi „Ég er ánægður fyrir hönd Íslands. Afrek þeirra er frábært. Að skora tvö mörk er verðlaun fyrir Íslendinga. En við skoruðum fimm og ég er ánægður með það þó svo að ég hafi ekki verið ánægður með að fá þessi tvö á okkur,“ sagði Deschamps eftir leikinn í gær. „En þetta var merkilegt fyrir Ísland og ég tek hatt minn ofan fyrir öllu því sem Ísland hefur afrekað á þessu móti.“ Viðhorf franska þjálfarans endurspeglar viðhorf fleiri, ekki síst stuðningsmannanna sjálfra sem sungu frá fyrstu mínútu til þeirrar síðustu á Stade de France og blésu lífi í okkar menn þegar þeir þurftu mest á stuðningnum að halda. Leikmenn Íslands voru vonsviknir þegar þeir gengu til stuðningsmanna í gær en tóku samt undir í „víkingaklappinu“ í lokaskiptið á EM í Frakklandi. Það var stund sem verður lengi í minnum höfð enda hefur víkingaklappið farið sigurför um heiminn og er eitt sterkasta táknið um velgengni þessa magnaða íslenska landsliðs og sigurför þess á sínu fyrsta stórmóti í knattspyrnu.Ég finn það í hjartanu Lars Lagerbäck var þakklátur á blaðamannafundi eftir leik. Þakklátur öllum þeim sem hann hefur starfað með í kringum landsliðið en ekki síst þakklátur fyrir stuðningsmenn íslenska liðsins. Hann var spurður hvaða minningar stæðu upp úr eftir hans langa feril í knattspyrnunni. Hann nefndi nokkur augnablik með sænska landsliðinu en sagði að tími hans með því íslenska væri honum afar ofarlega í huga. „Ég finn það í hjartanu hversu nærri mér þetta stendur. Ég naut þess að starfa á Íslandi og það hafa verið forréttindi að taka þátt í þessu ferðalagi,“ sagði hann. „Það hefur verið virkilega sérstakt. Ísland á sér sérstakan stað í mínu hjarta.“
EM 2016 í Frakklandi Mest lesið Rooney sakar meidda leikmenn United um að vilja ekki spila Enski boltinn Segir að staðan hjá United sé miklu verri en hún var hjá Moyes Enski boltinn „Vonandi gerir hann aftur eitthvað svona heimskulegt“ Körfubolti Sjáðu rauðu spjöld KR-inga, mark beint úr horni og öll hin mörkin í gær Íslenski boltinn „Ekki nógu illa gefinn til að átta mig ekki á því“ Körfubolti Havertz: „Verð mesti stuðningsmaður Tottenham í sögunni“ Enski boltinn Sungu nafn Arnórs hástöfum Fótbolti Atlanta Hawks fá fyrsta valrétt í nýliðavalinu Körfubolti „Allt þetta umtal um hvernig hann hagar sér er orðið þreytt“ Körfubolti Dagskráin í dag: Oddaleikur og fleira Sport Fleiri fréttir Saka Casemiro um leti: „Hreyfðu fæturna á þér“ Líkir Havertz við Liverpool-hetju Segir að staðan hjá United sé miklu verri en hún var hjá Moyes Sungu nafn Arnórs hástöfum Sjáðu rauðu spjöld KR-inga, mark beint úr horni og öll hin mörkin í gær Havertz: „Verð mesti stuðningsmaður Tottenham í sögunni“ Rooney sakar meidda leikmenn United um að vilja ekki spila „Höfum ekki haft neitt svigrúm til að gera mistök“ „Þetta er saga tímabilsins og það gengur ekki lengur“ „Það er eitt að vera góður og annað að fá eitthvað fyrir það“ „Förum glaðir úr Lautinni“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Atalanta skrefi nær Meistaradeildarsæti Gregg: Algjörlega óásættanlegt Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Sveindís Jane á skotskónum í sigurleik Sverrir Ingi hafði betur í Íslendingaslagnum Jafntefli eftir óvænt brotthvarf Óskars Orri mikilvægur gegn erkióvinum og FCK á toppinn Uppgjör: KR-HK 1-2 | Frækinn sigur HK á Meistaravöllum Fyrsti stóri titill United-kvenna Enn ekkert skorað í umspilinu Trossard skaut Arsenal á toppinn Hlín allt í öllu í sigri Kristianstad Sonur Kristbjargar fagnaði góðum sigri Langþráð endurkoma Valgeirs Ótrúlegur árangur Glódísar og Bayern en Selma fallin Þórir hélt Braunschweig uppi og gerði Sveini greiða Leeds í fínum málum eftir fyrri leikinn „Skulda mér mikinn pening þarna hjá Lyngby“ Sjá meira