Fyrsti samningafundur í kjaradeilu flugumferðarstjóra og Samtaka atvinnulífsins fyrir hönd Isavia eftir að Alþingi setti lög á yfirvinnubann flugumferðarstjóranna fór fram í dag. Boðað hefur verið til næsta fundar klukkan eitt á morgun.
Sigurjón Jónasson, formaður Félags íslenskra flugumferðarstjóra, segir andrúmsloftið á fundunum ekki hafa breyst í kjölfar inngrips Alþingis, en lögin kveða á um að Gerðardómur verði skipaður þann 24. júní ef samningar hafa ekki nást.
„Nú þurfa menn bara að flýta sér, því tíminn er naumur,“ segir Sigurjón. „Við fengum ekki mikinn frest til þess að ljúka þessum viðræðum en menn eru að tala saman og vonandi náum við að landa samningi fyrir 24. júní. Við ætlum allavega að gera allt sem við getum til þess.“
Fyrsta samningafundi eftir lagasetningu lokið
Tengdar fréttir
Inngrip ríkisstjórnar ekki ákjósanlegt en skiljanlegt
Þorsteinn Víglundsson, framkvæmdastjóri Samtaka atvinnulífsins segir að inngrip stjórnvalda í kjaradeilu flugumferðarstjóra og SA sé skiljanlegt en ekki ákjósanlegt.
Flugumferðarstjórar vinna allt að fimmtíu yfirvinnutíma á mánuði
Ekkert flug verður um Reykjavíkurflugvöll í kvöld og í nótt vegna veikinda flugumferðarstjóra.
Kjaradeila flugumferðarstjóra: Fá frest til 24. júní til að semja
Alþingi verður kallað saman og leggja á fram frumvörp þess efnis að deiluaðilar fái frest til 24. júní til þess að leysa deiluna, ella verði gerðardómur kvaddur til.
