Perez eignaðist dóttur

Bloggarinn Mario Armando Lavandeira Jr., betur þekktur sem Perez Hilton, eignaðist dóttur á mæðradaginn en fyrir á hann soninn Mario Armando Lavandeira III. sem er fæddur 2013.

Á sunnudaginn tilkynnti hann að stækkun hefði orðið í fjölskyldunni þegar hann deildi mynd af agnarsmáum ungbarnsfæti á Instagram-reikningi sínum og stuttu síðar tilkynnti hann að um stúlku væri að ræða og hún hefði fengið nafnið Mia Alma.

Bæði börnin eignaðist Hilton með staðgöngumæðrum, en hann sagði í færslu á bloggsíðu sinni að ferlið hefði reynt talsvert meira á í þetta sinn en hann og Mario væru alsælir með nýjustu viðbótina við fjölskylduna.