Fleiri hundruð Íslendingar bíða eftir hjúkrunarrými

Biðlistar eftir hjúkrunarrýmum hafa lengst jafnt og þétt frá árinu 2010, en þá biðu 155 einstaklingar eftir hjúkrunarrými samanborið við 306 þann 1. maí 2015. Þetta samsvarar 7,9 á 1.000 íbúa 67 ára og eldri í stað 4,2 árið 2010.

Þetta kemur fram í upplýsingum frá embætti landlæknis sem fer með umsjón með rekstri, viðhaldi og þróun rafrænnar skrár um dvöl í dvalar- og hjúkrunarrýmum.

Um 65% þeirra sem biðu eftir hjúkrunarrými 1. maí 2015 voru 80 ára og eldri, eða 16,6 á hverja 1.000 íbúa á þeim aldri. Þar af voru 139 konur en 61 karl.

Biðlistatölur eru fengnar úr færni- og heilsumatsskrá þar sem skráðar eru upplýsingar sem varða færni- og heilsumat. Skráning er í höndum færni- og heilsumatsnefnda sem leggja faglegt mat á dvalarþörf íbúa í því heilbrigðisumdæmi sem þær starfa. Færni- og heilsumatsskráin inniheldur upplýsingar allt aftur til ársins 1992.