Körfubolti

Allt hnífjafnt í spá stelpnanna

Óskar Ófeigur Jónsson skrifar
Þjálfararnir Sigurður Ingimundarson, Keflavík, og Sverrir Þór Sverrisson, Grindavík.
Þjálfararnir Sigurður Ingimundarson, Keflavík, og Sverrir Þór Sverrisson, Grindavík. Vísir/Stefán

Fréttablaðið fékk sex leikmenn úr sex liðum úr Dominos-deild kvenna í körfubolta til að spá um úrslitaleik Grindavíkur og Keflavíkur í Powerade-bikar kvenna.

Það er útlit fyrir mjög spennandi úrslitaleik því það eru jafnmargar sem spá Keflavík sigri og spá Grindavík sigri. Snæfellingurinn, Haukakonan og Blikinn spá Keflavík titlinum en Valsarinn, Hamarsstelpan og KR-ingurinn hafa meiri trú á Grindavík.

Grindvíkingurinn Pálína Gunnlaugsdóttir er sú eina sem fær tvö atkvæði sem maður leiksins og í raun eru það þrír og hálfur Keflvíkingar sem fá atkvæði sem maður leiksins.

Þetta hálfa atkvæði kemur með þeim fyrirvara að Carmen Tyson-Thomas spili með Keflavíkurliðinu í leiknum en annars fengu þær Birna Valgarðsdóttir, Bryndís Guðmundsdóttir og Sara Rún Hinriksdóttir atkvæðin hjá þeim sem búast við Keflavíkursigri í leiknum í dag.

Hildur Sigurðardóttir, Snæfelli
Keflavík vinnur með 13 stigum
Maður leiksins: Birna Valgarðsdóttir, Keflavík

Auður Íris Ólafsdóttir, Haukum
Keflavík vinnur með 8 stigum
Maður leiksins: Carmen Tyson-Thomas ef hún spilar en annars Bryndís Guðmundsdóttir, Keflavík

Guðbjörg Sverrisdóttir, Val
Grindavík vinnur með 7 stigum
Maður leiksins: Pálína Gunnlaugsdóttir, Grindavík

Salbjörg Sævarsdóttir, Hamri
Grindavík vinnur með 3 stigum
Maður leiksins: Petrúnella Skúladóttir, Grindavík

Björg Guðrún Einarsdóttir, KR
Grindavík vinnur með 5 stigum
Maður leiksins: Pálína Gunnlaugsdóttir, Grindavík

Jóhanna Sveinsdóttir, Breiðabliki
Keflavík vinnur með 4 stigum
Maður leiksins: Sara Rún Hinriksdóttir, Keflavík



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.