Með því að gera örlitlar breytingar í eldamennskunni geturðu gert matinn hollari fyrir þig og fjölskylduna. Hérna koma tíu góð ráð sem einfalt er að tileinka sér.
Bakaðu
Fjölmargan mat er hægt að baka í ofni í stað þess að steikja á pönnu eða djúpsteikja. Með því að nota bakaraofninn minnkarðu fituna sem þú notar til steikingar. Kjúklingabringur, kjötbollur, kartöflur og beikon, þetta er allt hægt að baka í ofni og verður ekki síðra á bragðið.
Blandaðu
Blandaðu safann frekar í blandara en í djúsvél, þannig haldast næringarefnin og trefjarnar í ávöxtunum og grænmetinu. Þegar þú notar djúsvél þá tekurðu svo margt af þessu frá.
Góð fita
Bættu góðri fitu í matinn; örlítil lárpera, fræ, hnetur eða góð ólífuolía. Hafðu bara í huga að vera með temmilega skammtastærð.
Þín eigin krydd
Búðu til þínar eigin kryddblöndur. Þessar tilbúnu eru oft stútfullar af allt of miklu salti og jafnvel sykri í þokkabót. Fáðu innblástur af því að skoða kryddblöndur á vefnum.
Kremdu
Kremdu hvítlaukinn í stað þess að saxa hann og láttu hann standa í 15 mínútur. Með því að kremja hann þá verður efnahvati í hvítlauknum sem eykur á hollustuna.
Skolaðu
Skolaðu alltaf baunir úr krukkum eða dósum, þær eru stundum vaðandi í sulli og salti og því öruggara að skola þær áður en þær eru notaðar.
Bættu í
Bættu litlum soðnum og kældum baunum út í kökudeigið og kjötbollurnar, þannig eykurðu prótín í matvörunni á einfaldan og hollan hátt. Það er líka frábært að bæta smá möluðum hörfræjum út í pönnukökudeigið.
Grísk jógúrt
Gríska jógúrt má nota í staðinn fyrir rjóma, majónes og nýmjólk í mörgum uppskriftum og er alls ekki síðra á bragðið.
Eldaðu rétt
Með því að elda ávexti og grænmeti rétt heldurðu næringarefnunum í þeim. Ekki ofelda matinn. Gufusuða er ein besta eldunaraðferðin fyrir grænmeti.
Sítrusávextir
Notaðu safann af C-vítamínríku sítrusávöxtum í staðinn fyrir sósur og dressingu. Einfaldur sítrónusafi er ljúffengur á grillaða kjúklingabringu og ekki síðri á salatið með örlítilli ólífuolíu.
