Kóngurinn í stuði

LeBron James byrjaði að halda upp á afmælið sitt í gær er hann fór á kostum í sigri síns liðs, Cleveland, gegn Denver.

James skoraði 34 stig og tróð hvað eftir annað glæsilega. „Þunna loftið í Denver hlýtur að hafa hjálpað mér að fljúga," sagði James léttur eftir leik.

Hann heldur upp á 31 árs afmælið sitt í dag og sýndi í nótt að það er ekkert farið að hægjast mikið á honum.

Þetta var síðasti leikur Cleveland á útivelli í bili en þessi hrina endaði 2-2 hjá liðinu.

Úrslit:

NY Knicks-Detroit  108-96

Houston-Atlanta  115-121

Memphis-Miami  99-90

Oklahoma-Milwaukee  131-123

Denver-Cleveland  87-93

Staðan í NBA-deildinni.