Tæplega 70 Íslendingar á leiknum í kvöld

Róbert Geir Gíslason, starfsmaður HSÍ, segir að sambandinu hafi borist óskir víða að í miða á leik Íslands gegn Svíþjóð á HM í Katar í kvöld.

Allt að 70 Íslendingar verða á leiknum ef HsÍ tekst að hafa milligöngu um miða fyrir alla aðila.

Þar af eru 20 manns sem var boðið til Katar af mótshöldurum auk annarra sem komu hingað á eigin vegum og enn annarra sem eru búsettir í þessum heimshluta.

Alls eru þrettán fjölmiðlamenn með í för til að flytja fréttir af gangi mála í heimsmeistarakeppninni.

Ekki missa af neinu sem gerist á HM. Fylgdu Vísi á Twitter, Facebook og Snapchat (notendanafn: sport365).