Evrópusambandið (ESB) boðar samvinnuverkefni með múslimaríkjum í kjölfar árásanna á húsnæði tímaritsins Charlie Hebdo í París. Meðal annars er stefnt að því að bæta arabískukunnáttu Evrópubúa.
Federica Mogherini, utanríkismálastjóri ESB, greindi frá þessu í tilkynningu til fjölmiðla í Brussel í dag. Hún gaf þó lítið upp um það hvað nákvæmlega mun felast í aðgerðunum, sem eiga að koma í veg fyrir frekari hryðjuverk með því að auka samvinnu við þau ríki þar sem múslimar eru í meirihluta.
BBC greinir frá. Sautján manns létu lífið í tveimur árásunum í París fyrr í mánuðinum en árásarmennirnir tengdust samtökum í Miðausturlöndum. Með voðaverkunum sögðust þeir vera að „hefna“ fyrir skopteikningar Charlie Hebdo af Múhameð, helsta spámanni íslamstrúar.
Sjá einnig: Reyna að fá eintök af Charlie Hebdo í Eymundsson
Mogherini sagði að verkefnum yrði hrint af stað á næstunni í samstarfi við Tyrkland, Egyptaland, Jemen, Alsír og Persaflóaríkin til að auka upplýsingaflæði milli landa og leggja enn frekari áherslu á að koma í veg fyrir fjárveitingar til hryðjuverkasamtaka.
„Ég vil bæta úr samskiptum okkar við arabískumælandi fólk nú þegar, bæði innan ESB og utan,“ sagði hún um tungumálaframtakið fyrirhugaða. „Við þurfum að auka færni okkar í að tala og skrifa arabísku og að hlusta á þau skilaboð sem berast úr arabísku samfélagi.“
Aukið samstarf við Arabaríki til að berjast gegn hryðjuverkum
Tengdar fréttir
Skopmyndir af Múhameð spámanni í næsta tölublaði Charlie Hebdo
Charlie Hebdo kemur út næsta miðvikudag í að minnsta kosti milljón eintökum.
Amedy Coulibaly segist vera á vegum Íslamska ríkisins
Nýtt myndband af manninum sem myrti fimm manneskjur í París hefur litið dagsins ljós.
Boumeddiene sést í öryggismyndavél í Tyrklandi
Talið er að Hayat Boumeddiene sé nú að finna í Sýrlandi.
Enginn virðist vilja lík árásarmannanna
Fjölskyldur Kouachi bræðranna og Amedy Coulibaly hafa ekki beðið um jarðarfarir.
Minntist fórnarlambanna með þremur litum í brjóstvasanum
Edi Rama, forsætisráðherra Albaníu, minntist fórnarlamba hryðjuverkanna í París með því að mæta með þrjá penna í brjóstvasanum á samstöðufundinn í París í gær.
Fjölmennur samstöðufundur í París
Fólk kemur saman víða um Frakkland vegna ódæðisverkanna í vikunni.
Ungur maður bjargaði fólki í gíslatökunni í París
Lokaði fólk inn í kæligeymslu í kjallara verslunarinnar og kom því þannig í öruggt skjól.
Framtíð skops: Langtímaáhrif morðanna á ritstjórn Charlie Hebdo
Málþing á vegum Námsbrautar í menningarfræði við Háskóla Íslands fer fram á föstudaginn í Öskju, náttúrufræðihúsi Háskóla Íslands, og stendur yfir frá 12-13.
Reyndu að kveikja í skrifstofum dagblaðs
Lögregla í Þýskalandi hefur handtekið tvo menn sem reyndu að kveikja í skrifstofum dagblaðs sem hefur endurbirt myndir frá Charlie Hebdo.
Al-Qaeda lýsir yfir ábyrgð á árásinni á Hebdo
Yfirmaður hryðjuverkasamtakana í Jemen segir þá hafa valið skotmarkið, fjármagnað árásina og skipulagt hana.
Þrjár milljónir skopmynda af Múhameð á morgun
Charlie Hebdo kemur út á morgun í 3 milljón eintökum en í því verða myndir af Múhameð spámanni.
Hert öryggisgæsla í Frakklandi
Her- og lögreglumenn verða sýnilegri í Frakklandi og munu koma til með að gæta mögulegra skotmarka.
Nýtt myndband af Kouachi-bræðrunum: Héngu úr bíl og skutu á lögreglu
Búið er að birta nýtt myndband sem sýnir bræðurna Chérif og Said Kouachi skömmu eftir árásirnar á ritstjórnarskrifstofur Charlie Hebdo í París í síðustu viku.
