Dóri DNA, Logi Pedro og Arnar Freyr fíla ekki Jason Rouse

Miðasala á uppistand kanadíska grínistans Jason Rouse hófst í dag en hann mun flytja grín sitt í Háskólabíói þann 5. júní næstkomandi. Fáeinir notendur Twitter hafa lýst yfir vanþóknun sinni á kappanum.

Þeirra á meðal eru Dóri DNA, Logi Pedro Stefánsson og Arnar Freyr Frostason úr Úlfi Úlfi. Tíst þeirra má sjá hér að neðan.

fuck maður. ég er að horfa á Jason Rouse uppistand. Rape jokes on top of rape jokes. ömurlegt.

— Logi Pedro (@logifknpedro) April 9, 2015

árið 2002 var hiphop á Íslandi drepið af tækifærissinnum. Plís ekki gera það við uppistand. Jason Rouse er 18.flokks uppistandari.

— Halldór Halldórsson (@DNADORI) April 9, 2015

Ég hef tvisvar verið kýldur á ævinni og í bæði skiptin var það því einhverjum fannst ég ekki fyndinn. Samt er ég fyndnari en Jason Rouse.

— ɹʎǝɹɟ ɹɐuɹɐ (@arnarfreir) April 9, 2015

Í tilkynningu frá þeim standa að sýningunni segir að Rouse sé uppistandari sem komi með nýja sýn á hefðbundna veröld grínistans og í raun snúi henni á hvolf.

„Síðasta áratug hefur þessi utangarðsmaður grínsins brýnt háðsádeilu sína í klúbbum og á grínhátíðum um allan heim. Jason Rouse hefur sett sér það markmið að draga upp nýja sýn á uppistandsgrínið. Hefðbundið grín, til vinstri og hægri lifir góðu lífi en miðhlutinn hefur orðið útundan. Þar ætlar þetta Hirðfífl frá Helvíti að hasla sér völl.“

Rouse tilkynnti einnig komu sína í stuttu myndbandi á Facebook:

Reykjavik, Iceland @ Haskolabio JUNE 5th

Reykjavik, Iceland @ Haskolabio June 5th

Posted by Jason Rouse on Wednesday, April 8, 2015

Meðfylgjandi er einnig myndband sem sýnir Jason Rouse í essinu sínu.