Þegar Höskuldur varð óvart formaður Framsóknar og sagan endurtók sig ekki Stefán Ó. Jónsson skrifar 21. desember 2015 13:15 Nemendur Fjölbrautaskólans í Breiðholti fögnuðu, rétt eins og Höskuldur Þórhallsson, röngum úrslitum. Vísir Fáar fréttir hafa vakið meiri athygli á alþjóðavísu í dag en þegar kynnir á fegurðarsamkeppninni Ungfrú Alheimur tilkynnti röng úrslit í Los Angeles í nótt. Kynnirinn, Steve Harvey, greindi frá því að Ungfrú Kolumbía hefði farið með sigur af hólmi þegar sigurvegarinn hafði í raun verið Ungfrú Filippseyjar.Sjá einnig: Röng kona krýnd Ungfrú Alheimur Íslendingar eru ekki allsendis ókunnugir sambærilegum uppákomum en Vísir rifjar hér upp tvö íslensk dæmi þegar gleðitár hafa á örskotsstundu breyst í sorgartár.Þegar Höskuldur var formaður Framsóknarflokksins Á aðalfundi Framsóknarflokksins í upphafi árs 2009 snerist allt um formannskjörið. Mikil spenna ríkti fyrir kjörið og var talið að Páll Magnússon bæjarritari, Höskuldur Þórhallsson og Sigmundur Davið Gunnlaugsson væru líklegastir til að hreppa embættið. Kosið var í tveimur umferðum og mjótt var á munum. Það munaði einungis 26 atkvæðum á Höskuldi og Sigmundi í fyrri umferðinni og þurfti því að kjósa aftur. Þegar búið var að kjósa öðru sinni og atkvæði talin var Höskuldur Þórhallsson kynntur sem nýr formaður flokksins. Þegar að Höskuldur var rétt í þann mund að stíga í pontu eftir að kjörið var kynnt var gert hlé á fundinum og formaður kjörstjórnar fór betur yfir stöðuna. Í ljósi kom að mistök höfðu verið gerð og að réttkjörinn formaður væri í raun Sigmundur Davíð, núverandi formaður og forsætisráðherra. Sigmundur hlaut 449 atkvæði en Höskuldur 340. Í kjölfar þessara mistaka sagði formaður kjörstjórnarinnar af sér. Frétt Stöðvar 2 um málið, sem og fagnaðarlæti stuðningsmanna Höskuldar og Sigmundar, má sjá hér að neðan.Þegar sagan endurtók sig... ekki Andrúmsloftið var rafmagnað þegar Jóhann Alfreð Kristinsson, nú meðlimur í Mið-Íslandi, steig á svið stóra salarins í Háskólabíó til að tilkynna um sigurvegara í úrslitum Morfís, mælsku og rökræðukeppni framhaldsskólanna, á vormánuðum 2005. Þar höfðu att kappi ræðulið Verzlunarskóla Íslands og Fjölbrautarskólans í Breiðholti með menn á borð við Björn Braga Arnarsson og Braga Pál Sigurðarson innanborðs. Liðin höfðu tekist á um Þróunaraðstoð, FB mælt með en Verzlunarskólinn á móti. Níu árum áður höfðu sömu skólar mæst í úrslitum. Þá hafði FB borið sigur úr býtum og spurninginn sem brann á öllum í Háskólabíói vorið 2005 var því hvort sagan endurtæki sig. Það vissi Jóhann Alfreð sem steig í pontu og sagði. „Það munaði litlu áðan og það setti stemninguna fyrir kvöldið því að sagan endurtekur sig...“ og lengra komst hann ekki áður en stuðningsmenn FB trylltust af fögnuði. Svo hávær voru fagnaðarlætin að stuðningsmenn FB heyrðu ekki þegar Jóhann Alfreð bætti við lykilorðinu „ekki“ í lok setningarinnar og gaf þannig til kynna að það hafi í raun verið Verzló sem fór með sigur úr býtum. Stuðningsmenn Verzlunarskólans voru þó með á nótunum og hlaupu upp á sviðið til að fagna sigri ræðuliðsins síns. Var það því svo að allir stóri salurinn í Háskólabíó fagnaði sigri saman um stund. Það voru þung skref fyrir stjórn Morfís, sem og Jóhann Alfreð, þegar þau neyddust til að tilkynna ræðulið FB að það hafi fagnað of snemma. Myndband af augnablikinu má sjá hér að neðan.Manstu eftir fleiri slíkum, íslenskum, dæmum? Sendu okkur endilega línu á ritstjorn@visir.is. Mest lesið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Bauð öllum bæjarbúum í matarboð Lífið Komu saman vegna þrjátíu ára afmælis Pulp Fiction Bíó og sjónvarp Mesta hættan í unglingaherberginu Lífið „Það má segja að þetta sé í raun sorg og uppgjör“ Tónlist Valgerður selur íbúðina í Vesturbænum Lífið Arkitekt dýrasta húss Íslandssögunnar selur í Fossvogi Lífið Fleiri fréttir Arkitekt dýrasta húss Íslandssögunnar selur í Fossvogi Féllust í faðma á tilfinningaríkri stundu Valgerður selur íbúðina í Vesturbænum Mesta hættan í unglingaherberginu Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Sjá meira
Fáar fréttir hafa vakið meiri athygli á alþjóðavísu í dag en þegar kynnir á fegurðarsamkeppninni Ungfrú Alheimur tilkynnti röng úrslit í Los Angeles í nótt. Kynnirinn, Steve Harvey, greindi frá því að Ungfrú Kolumbía hefði farið með sigur af hólmi þegar sigurvegarinn hafði í raun verið Ungfrú Filippseyjar.Sjá einnig: Röng kona krýnd Ungfrú Alheimur Íslendingar eru ekki allsendis ókunnugir sambærilegum uppákomum en Vísir rifjar hér upp tvö íslensk dæmi þegar gleðitár hafa á örskotsstundu breyst í sorgartár.Þegar Höskuldur var formaður Framsóknarflokksins Á aðalfundi Framsóknarflokksins í upphafi árs 2009 snerist allt um formannskjörið. Mikil spenna ríkti fyrir kjörið og var talið að Páll Magnússon bæjarritari, Höskuldur Þórhallsson og Sigmundur Davið Gunnlaugsson væru líklegastir til að hreppa embættið. Kosið var í tveimur umferðum og mjótt var á munum. Það munaði einungis 26 atkvæðum á Höskuldi og Sigmundi í fyrri umferðinni og þurfti því að kjósa aftur. Þegar búið var að kjósa öðru sinni og atkvæði talin var Höskuldur Þórhallsson kynntur sem nýr formaður flokksins. Þegar að Höskuldur var rétt í þann mund að stíga í pontu eftir að kjörið var kynnt var gert hlé á fundinum og formaður kjörstjórnar fór betur yfir stöðuna. Í ljósi kom að mistök höfðu verið gerð og að réttkjörinn formaður væri í raun Sigmundur Davíð, núverandi formaður og forsætisráðherra. Sigmundur hlaut 449 atkvæði en Höskuldur 340. Í kjölfar þessara mistaka sagði formaður kjörstjórnarinnar af sér. Frétt Stöðvar 2 um málið, sem og fagnaðarlæti stuðningsmanna Höskuldar og Sigmundar, má sjá hér að neðan.Þegar sagan endurtók sig... ekki Andrúmsloftið var rafmagnað þegar Jóhann Alfreð Kristinsson, nú meðlimur í Mið-Íslandi, steig á svið stóra salarins í Háskólabíó til að tilkynna um sigurvegara í úrslitum Morfís, mælsku og rökræðukeppni framhaldsskólanna, á vormánuðum 2005. Þar höfðu att kappi ræðulið Verzlunarskóla Íslands og Fjölbrautarskólans í Breiðholti með menn á borð við Björn Braga Arnarsson og Braga Pál Sigurðarson innanborðs. Liðin höfðu tekist á um Þróunaraðstoð, FB mælt með en Verzlunarskólinn á móti. Níu árum áður höfðu sömu skólar mæst í úrslitum. Þá hafði FB borið sigur úr býtum og spurninginn sem brann á öllum í Háskólabíói vorið 2005 var því hvort sagan endurtæki sig. Það vissi Jóhann Alfreð sem steig í pontu og sagði. „Það munaði litlu áðan og það setti stemninguna fyrir kvöldið því að sagan endurtekur sig...“ og lengra komst hann ekki áður en stuðningsmenn FB trylltust af fögnuði. Svo hávær voru fagnaðarlætin að stuðningsmenn FB heyrðu ekki þegar Jóhann Alfreð bætti við lykilorðinu „ekki“ í lok setningarinnar og gaf þannig til kynna að það hafi í raun verið Verzló sem fór með sigur úr býtum. Stuðningsmenn Verzlunarskólans voru þó með á nótunum og hlaupu upp á sviðið til að fagna sigri ræðuliðsins síns. Var það því svo að allir stóri salurinn í Háskólabíó fagnaði sigri saman um stund. Það voru þung skref fyrir stjórn Morfís, sem og Jóhann Alfreð, þegar þau neyddust til að tilkynna ræðulið FB að það hafi fagnað of snemma. Myndband af augnablikinu má sjá hér að neðan.Manstu eftir fleiri slíkum, íslenskum, dæmum? Sendu okkur endilega línu á ritstjorn@visir.is.
Mest lesið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Bauð öllum bæjarbúum í matarboð Lífið Komu saman vegna þrjátíu ára afmælis Pulp Fiction Bíó og sjónvarp Mesta hættan í unglingaherberginu Lífið „Það má segja að þetta sé í raun sorg og uppgjör“ Tónlist Valgerður selur íbúðina í Vesturbænum Lífið Arkitekt dýrasta húss Íslandssögunnar selur í Fossvogi Lífið Fleiri fréttir Arkitekt dýrasta húss Íslandssögunnar selur í Fossvogi Féllust í faðma á tilfinningaríkri stundu Valgerður selur íbúðina í Vesturbænum Mesta hættan í unglingaherberginu Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Sjá meira