Þriggja ára stelpa kom móður og ófæddum bróður til bjargar

Emma Bazzard, þriggja ára stelpa á Bretlandseyjum, á von á viðurkenningu fyrir hugrekki sem hún sýndi í nóvember með símtali í neyðarlínuna. Ólétt móðir hennar hafði fallið niður tröppur á heimili þeirra og misst meðvitund.

Símtalið varði í ellefu mínútur þar sem hetjan þriggja ára ræddi við starfsmann neyðarlínunnar og útskýrði hvað gerst hafði. Gat hún gefið upp heimilisfang þeirra og nafn móður sinnar.

Heilbrigðisstarfsmenn voru sendir á vettvang um leið og hafði stúlkan meira að segja tekið úr lás þegar þá bar að garði.

Tókst að fresta fæðingu

Móðir hennar, Catherine, hafði lent á maganum og talið var að hefja þyrfti fæðingu sem hefði verið sjö vikum fyrir settan fæðingardag. Með aðstoð lækna tókst að koma í veg fyrir fæðinguna. Í desember fæddist svo lítill prins á tilsettum tíma.

Emma fær viðurkenningu fyrir hugrekki sitt síðar í mánuðinum þar og mun hún þá hitta fyrir sjúkraliðana sem komu móður hennar til bjargar og starfsmann neyðarlínunnar sem hún ræddi við í mínúturnar ellefu.

„Ég man ekki mikið eftir því sem gerðist en það er alveg á hreinu að Emma var frábær, yfirveguð og klár,“ segir móðirin stolta.

Að neðan má hlusta á brot úr símtalinu.