Rúmlega 2.400 tróðust undir í Mekka í september

Að minnsta kosti 2.411 pílagrímar tróðust undir þegar verið var að halda upp á hajj í Mekka í Sádi-Arabíu í september.

Þetta kemur fram í yfirliti sem AP birtir, en talan er nærri þrefalt hærri en talan sem sádi-arabísk stjórnvöld hafa greint frá.

Nokkur hundruð pílagríma er enn saknað og því kann raunveruleg tala látinna að vera mun hærri. Ríkisborgarar frá 36 löndum fórust í troðningnum.

Trúarhátíð múslíma í Mekka, hajj, stóð yfir í september og er áætlað að um þrjár milljónir manna hafi komið þar saman.

Múslímar þurfa að fara í pílagrímsferð til Mekku, hinnar heilagrar borgar í Sádi-Arabíu og fæðingarborg Múhameðs spámanns, að minnsta kosti einu sinni á ævinni ef fjárhagur og heilsa leyfa.

Fólkið tróðst undir í borginni Mina, skammt frá Mekka, en þar eru þrjár súlur sem pílagrímarnir kasta steinum að til að minnast þess þegar djöfullinn freistaði Ísmaels og Abrahams.