Seðlabanki Íslands veitti í gær Glitni endanlega undaþágu frá fjármagnshöftum til þess að greiða út í samræmi við nauðasamninga. Þetta kemur fram á vef Glitnis.
Ákvörðunin er tekin í kjölfar þess að 20. nóvember síðastliðinn samþykkti Glitnir nauðasamninga sem Héraðsdómur Reykjavíkur staðfesti svo 7. desember. Á morgun mun Glitnir svo byrja að greiða kröfuhöfum.
Héraðsdómur samþykkti í fyrradag nauðasamninga Kaupþings og búist er við því að dómurinn staðfesti nauðasamninga LBI, eða gamla Landsbankans, á morgun eða mánudag.
Gera má ráð fyrir að stöðugleikaframlögin verði greidd í ríkissjóð fyrir áramót.
Glitnir borgar kröfuhöfum á morgun
