Segir ekki refsivert að eiga tæki og tól Nadine Guðrún Yaghi skrifar 10. nóvember 2015 07:00 Fólk safnaðist saman við lögreglustöðina í gær og krafðist breytinga á meðferð kynferðisbrotamála. Einhverjir köstuðu eggjum í lögreglustöðina. Fréttablaðið/Vilhelm Hart var sótt að lögreglu á samfélagsmiðlum vegna forsíðufréttar Fréttablaðsins í gær um tvö kynferðisafbrotamál sem lögreglan hefur til rannsóknar. Greint var frá því að lögreglan á höfuðborgarsvæðinu hefði gert húsleit í íbúð í Hlíðunum sem annar meintur gerandinn í málinu hefur til umráða. Fréttablaðið greindi frá árásunum fyrir helgi, en þær eiga báðar að hafa átt sér stað í október. Tveir karlar eru grunaðir um árásirnar. Annar er á fertugsaldri og stundar nám við frumgreinadeild Háskólans í Reykjavík, þar sem fórnarlömb árásanna stunda bæði nám. Honum hefur verið vikið tímabundið frá skólanum. Hinn er á svipuðum aldri og er starfsmaður á hótelinu Reykjavík Marina. Hann hefur verið sendur í leyfi á meðan á rannsókn stendur.Tvær kærur hafa verið lagðar fram í málinuEkki var farið fram á gæsluvarðhald yfir mönnunum og mættu hundruð manns fyrir framan Lögreglustöðina við Hverfisgötu í því skyni að mótmæla því, sem og aðgerðaleysi yfirvalda í kynferðisbrotamálum. Fjöldi fólks steig í pontu og sagði sögur af eigin reynslu af viðbrögðum lögreglu vegna kynferðisbrotamála. Sigríður Björk Guðjónsdóttir, lögreglustjóri höfuðborgarsvæðisins, ávarpaði hópinn og sagði að lögreglan myndi gera sitt besta til að gera betur. Lögreglustjórinn fékk ekki góðar móttökur hjá mótmælendum sem púuðu og hrópuðu margir að það væri greinilega ekki nóg. „Mér fannst þetta alveg magnað. Ég dáist að öllu þessu unga fólki sem tjáði sig,“ segir Oddný Arnarsdóttir, skipuleggjandi mótmælanna. „Ég fór og ræddi aðeins við lögreglustjórann sem sagði meðal annars að henni þætti leiðinlegt að þetta væri það fyrsta sem kæmi út eftir að ný kynferðisbrotadeild væri stofnuð,“ segir Oddný og bætir við að frétt Fréttablaðsins í gær hafi aðeins verið enn ein fréttin um vanhæfi og getuleysi yfirvalda í því að taka þessi mál föstum tökum.Alda Hrönn Jóhannsdóttir, yfirlögfræðingur lögreglunnar á höfuðborgarsvæðinu.Vísir/PjeturÍ Fréttablaðinu í gær var greint frá því að árásirnar hefðu verið hrottalegar og íbúðin hefði verið búin tækjum til að beita ofbeldi. Alda Hrönn Jóhannsdóttir, yfirlögfræðingur á skrifstofu lögreglustjórans á höfuðborgarsvæðinu, segir að þó svo að fólk eigi tæki og tól þá sé það eitt og sér ekki refsivert. „Í okkar gögnum höfum við ekki neitt sem sýnir að íbúðin sé útbúin til nauðgana og við getum ekki fullyrt neitt um það. Þetta er þó matskennt hugtak sem og önnur hugtök sem maður hefur séð í dag, til dæmis hugtakið raðnauðganir,“ segir Alda og bætir við að hún vonist til þess að umræðan muni koma til með að bæta kerfið. Alda vill ekki gefa það upp hvað nákvæmlega hafi verið lagt hald á við húsleit í íbúðinni. „Við haldleggjum það sem við teljum ástæðu til við húsleitir og gæti verið notað sem sönnunargögn í málinu.“ Hún segir enga afstöðu hafa verið tekna til þess hvort gerð hafi verið mistök þegar ekki var farið fram á gæsluvarðhald yfir mönnunum. „Við erum að rýna í það.“ Á mótmælunum voru margir reiðir yfir því að báðir meintir gerendur væru farnir úr landi en samkvæmt heimildum Vísis er það raunin. „Af hverju var þá ekki allavega farið fram á farbann?“ hrópaði einn mótmælandinn við góðar undirtektir. Að sögn Öldu er farbanni sjaldnast beitt á íslenska ríkisborgara. „Við erum þó aðilar að alþjóðasáttmála sem gerir það að verkum að við getum fengið íslenska ríkisborgara framselda vegna ætlaðra glæpa.“ Hlíðamálið Mest lesið Yrði stærsta lýðheilsuslys Íslandssögunnar Innlent Segja Pútín vilja vopnahlé sem miðist við núverandi víglínur Erlent Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent Svipað og frekar róleg haustlægð Innlent Rúta brann til kaldra kola við Sóltún Innlent Albert Guðmundsson verður ákærður fyrir kynferðisbrot Innlent Mikill harmleikur en skýrir farvegir Innlent Íslendingurinn sem slasaðist í háloftunum var á vegum Marels Innlent Tamningakona sýknuð af bótakröfu vegna reiðslyss Innlent Sá sem át ekkert nema McDonalds í mánuð er fallinn frá Erlent Fleiri fréttir Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Sjá meira
Hart var sótt að lögreglu á samfélagsmiðlum vegna forsíðufréttar Fréttablaðsins í gær um tvö kynferðisafbrotamál sem lögreglan hefur til rannsóknar. Greint var frá því að lögreglan á höfuðborgarsvæðinu hefði gert húsleit í íbúð í Hlíðunum sem annar meintur gerandinn í málinu hefur til umráða. Fréttablaðið greindi frá árásunum fyrir helgi, en þær eiga báðar að hafa átt sér stað í október. Tveir karlar eru grunaðir um árásirnar. Annar er á fertugsaldri og stundar nám við frumgreinadeild Háskólans í Reykjavík, þar sem fórnarlömb árásanna stunda bæði nám. Honum hefur verið vikið tímabundið frá skólanum. Hinn er á svipuðum aldri og er starfsmaður á hótelinu Reykjavík Marina. Hann hefur verið sendur í leyfi á meðan á rannsókn stendur.Tvær kærur hafa verið lagðar fram í málinuEkki var farið fram á gæsluvarðhald yfir mönnunum og mættu hundruð manns fyrir framan Lögreglustöðina við Hverfisgötu í því skyni að mótmæla því, sem og aðgerðaleysi yfirvalda í kynferðisbrotamálum. Fjöldi fólks steig í pontu og sagði sögur af eigin reynslu af viðbrögðum lögreglu vegna kynferðisbrotamála. Sigríður Björk Guðjónsdóttir, lögreglustjóri höfuðborgarsvæðisins, ávarpaði hópinn og sagði að lögreglan myndi gera sitt besta til að gera betur. Lögreglustjórinn fékk ekki góðar móttökur hjá mótmælendum sem púuðu og hrópuðu margir að það væri greinilega ekki nóg. „Mér fannst þetta alveg magnað. Ég dáist að öllu þessu unga fólki sem tjáði sig,“ segir Oddný Arnarsdóttir, skipuleggjandi mótmælanna. „Ég fór og ræddi aðeins við lögreglustjórann sem sagði meðal annars að henni þætti leiðinlegt að þetta væri það fyrsta sem kæmi út eftir að ný kynferðisbrotadeild væri stofnuð,“ segir Oddný og bætir við að frétt Fréttablaðsins í gær hafi aðeins verið enn ein fréttin um vanhæfi og getuleysi yfirvalda í því að taka þessi mál föstum tökum.Alda Hrönn Jóhannsdóttir, yfirlögfræðingur lögreglunnar á höfuðborgarsvæðinu.Vísir/PjeturÍ Fréttablaðinu í gær var greint frá því að árásirnar hefðu verið hrottalegar og íbúðin hefði verið búin tækjum til að beita ofbeldi. Alda Hrönn Jóhannsdóttir, yfirlögfræðingur á skrifstofu lögreglustjórans á höfuðborgarsvæðinu, segir að þó svo að fólk eigi tæki og tól þá sé það eitt og sér ekki refsivert. „Í okkar gögnum höfum við ekki neitt sem sýnir að íbúðin sé útbúin til nauðgana og við getum ekki fullyrt neitt um það. Þetta er þó matskennt hugtak sem og önnur hugtök sem maður hefur séð í dag, til dæmis hugtakið raðnauðganir,“ segir Alda og bætir við að hún vonist til þess að umræðan muni koma til með að bæta kerfið. Alda vill ekki gefa það upp hvað nákvæmlega hafi verið lagt hald á við húsleit í íbúðinni. „Við haldleggjum það sem við teljum ástæðu til við húsleitir og gæti verið notað sem sönnunargögn í málinu.“ Hún segir enga afstöðu hafa verið tekna til þess hvort gerð hafi verið mistök þegar ekki var farið fram á gæsluvarðhald yfir mönnunum. „Við erum að rýna í það.“ Á mótmælunum voru margir reiðir yfir því að báðir meintir gerendur væru farnir úr landi en samkvæmt heimildum Vísis er það raunin. „Af hverju var þá ekki allavega farið fram á farbann?“ hrópaði einn mótmælandinn við góðar undirtektir. Að sögn Öldu er farbanni sjaldnast beitt á íslenska ríkisborgara. „Við erum þó aðilar að alþjóðasáttmála sem gerir það að verkum að við getum fengið íslenska ríkisborgara framselda vegna ætlaðra glæpa.“
Hlíðamálið Mest lesið Yrði stærsta lýðheilsuslys Íslandssögunnar Innlent Segja Pútín vilja vopnahlé sem miðist við núverandi víglínur Erlent Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent Svipað og frekar róleg haustlægð Innlent Rúta brann til kaldra kola við Sóltún Innlent Albert Guðmundsson verður ákærður fyrir kynferðisbrot Innlent Mikill harmleikur en skýrir farvegir Innlent Íslendingurinn sem slasaðist í háloftunum var á vegum Marels Innlent Tamningakona sýknuð af bótakröfu vegna reiðslyss Innlent Sá sem át ekkert nema McDonalds í mánuð er fallinn frá Erlent Fleiri fréttir Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Sjá meira
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent