Sterling með þrennu í stórsigri City | Sjáðu mörkin

Raheem Sterling gerði þrennu þegar Manchester City vann 5-1 sigur á nýliðum Bournemouth á heimavelli í dag.

Mörkin úr leiknum má sjá í spilaranum hér fyrir ofan.

City situr enn á toppi ensku úrvalsdeildarinnar, nú með 21 stig, tveimur stigum á undan Manchester United. Bournemouth er hins vegar í 17. sæti, fjórum stigum frá fallsæti.

Sterling opnaði markareikninginn á 7. mínútu eftir undirbúning Wilfrieds Bony sem skoraði svo annað mark City fjórum mínútum seinna.

Glenn Murray gaf nýliðunum von þegar hann minnkaði muninn á 22. mínútu en Sterling slökkti þann vonarneista þegar hann skoraði annað mark sitt sjö mínútum síðar. Hann fullkomnaði svo þrennuna í uppbótartíma fyrri hálfleiks.

Staðan var 4-1 í hálfleik og allt fram á 88. mínútu þegar Bony skoraði sitt annað mark og fimmta mark City. Lokatölur 5-1, City í vil.