Annar þeirra sem handtekinn var í gær grunaður um fjárdrátt hjá Sparisjóði Siglufjarðar er bæjarfulltrúi í Fjallabyggð. Samkvæmt áreiðanlegum heimildum fréttastofu hefur bæjarfulltrúinn játað aðild sína að málinu.

Ólafur Þór Hauksson, sérstakur saksóknari, gat vegna rannsóknarhagsmuna hvorki staðfest né neitað því um hvern var að ræða. Þá gat hann heldur ekki gefið upp um hve mikið fé þeir drógu sér.

Átta starfsmenn sérstaks saksóknara fóru norður í land í fyrradag vegna málsins og framkvæmdu þeir húsleitir vegna málsins. Ekki var farið fram á gæsluvarðhald yfir hinum handteknu.

Í yfirlýsingu frá AFL Sparisjóði í gær segir að við athugund sérstaks saksóknara í alls óskyldu máli hafi komið upp rökstuddur grunur um fjárdrátt fyrrum skrifstofu sparisjóðsins. Málið var í framhaldinu kært til sérstaks. Stjórnendur AFL Sparisjóðs munu ekki tjá sig frekar um málið meðan rannsókn stendur yfir.

Uppfært 17.57. Maðurinn sem um ræðir heitir Magnús Jónasson og er forseti bæjarstjórnar Fjallabyggðar.