Sara Heimis um brúðkaupið: Verð í mjög þröngum og flottum kjól sem sýnir bakið vel

Eins og Vísir greindi frá á dögunum eru þau Rich Piana, 44 ára, vaxtaræktarmaður frá Bandaríkjunum, og Sara Heimisdóttir 26 ára Íslendingur og fitness fyrirsæta að fara gifta sig.

Rich Piana tilkynnti um þetta á YouTube síðu sinni en brúðkaupið fer fram Las Vegas á Orleans hótelinu í næstu viku og það á sjálfri Mr. Olympia-keppninni.

Sjá einnig: Sara Heimisdóttir og Rich Piana ganga í það heilaga

„Við erum pínu stressuð um að það komist ekki allir fyrir og hótelið verði ósátt við okkur,“ segir Sara í ítarlegu viðtal við Fréttatímann í dag.

Parið býr í Los Angeles og býr saman í nokkur hundruð fermetra einbýlishúsi.

Verður í hvítum en óhefðbundnum kjól

„Þetta verður ekki beint hefðbundið brúðkaup. Við giftum okkur með öðru pari, Ashley og Coty, sem eru í liðinu – eru sponsoruð af Rich. Ég verð samt í hvítum brúðarkjól. Ekki týpískum, stórum hvítum kjól heldur mjög þröngum og flottum kjól sem sýnir bakið vel,“ segir hún í samtali við Fréttatímann. “

Parið kynntist á Facebook fyrir tveimur árum.

„Við töluðum aðeins saman fyrir tveimur árum og vissum hvort af öðru en svo kynntumst við í gegnum Facebook. Við byrjuðum saman fyrir einhverjum mánuðum síðan en þetta small svona rosalega vel saman. Við erum eiginlega alveg eins, eigum svo margt sameiginlegt og þetta var bara „meant to be.“ Sumt fólk mun aldrei finna svo ást í lífinu en við erum mjög heppin að hafa fundið hvort annað.“

Urðu strax ástfangin

„Þetta er alveg ótrúleg kona. Og samband okkar er ótrúlegt. Við urðum strax ástfangin af hvort öðru og höfum verið saman næstum því allan sólarhringinn frá því við hittumst. Sumt fólk sem er svo mikið saman vill drepa hvort annað en það á ekki við okkur,“ segir Rich Piana í sambandi við Fréttatímann.



„Hver dagur með Söru er ótrúlegur. Við höfðum bæði verið í öðrum samböndum en þegar við náðum saman vissum við að þetta væri fullkomið. Okkur eru engin takmörk sett.“