Viðskipti innlent

Forstjóri Suðurverks er sjálfur á vinnuvélunum

Kristján Már Unnarsson skrifar
Bormenn Norðfjarðarganga eru búnir að slá í gegn og verður því fagnað með sérstakri ráðherrasprengingu í næstu viku. Færri vita að forstjóri verktakafyrirtæksins Suðurverks grípur sjálfur oft í vinnuvélarnar, - segir það miklu skemmtilegra en sitja við skrifborðið.

Þótt búið sé að sprengja í gegn var lítið haft skilið eftir fyrir ráðherra til að sprengja svo hægt sé að fagna gegnumbrotinu formlega næstkomandi föstudag, 25. september. Hitann og þungann af verkinu bera aðalverktakarnir, tékkneska fyrirtækið Metrostav og Suðurverk.

Suðurverk er sennilega stærsta íslenska verktakafyrirtækið sem komst nokkurnveginn óskaddað í gegnum hrunið og án þess að skipta um eigendur. Forstjórann fundum við á einni af gröfunum við Norðfjarðargöng.

Forstjóri Suðurverks á einni af gröfum fyrirtækisins í vinnu við Norðfjarðargöng.Stöð 2/Egill Aðalsteinsson.
Hann heitir Dofri Eysteinsson. Í fréttum Stöðvar 2 sést hann á gröfu að moka ofan í grjótmulningsvél Norðfjarðarmegin en efnið fer í nýja veginn sem tengjast mun göngunum. Dofri er ásamt eiginkonu sinni eigandi Suðurverks, en vitnar í orð endurskoðanda þegar hann segist ekki mikið fyrir það að sitja við skrifborð:

„Hann sagði mér það að ég og pappír skyldum ekki vera í sama herberginu. Það er rétt. Ég er ekki mikill pappírsmaður. Það eru aðrir betri en ég í því. Ég fer oft upp í þetta dæmi að hlaupa upp í vélar og annað slíkt. Það er bara minn háttur á þessu,“ segir Dofri.

Þannig setur forstjórinn fordæmi, hefur um leið fingurinn á púlsinum, og það á kannski þátt í því að Suðurverk skyldi komast í gegnum hrunið.

„Já, það hefur náttúrlega eitthvað að segja. En það töpuðu allir á hruninu. En við erum lifandi ennþá og ætlum okkur að sigla áfram.“

Dofri Eysteinsson: „Ég er enginn pappírsmaður."Stöð 2/Egill Aðalsteinsson.
Dofri er orðinn 68 ára gamall. Spurður hvort hann ætli að vera í mörg ár enn á tækjunum svarar hann: 

„Ég veit það ekki. Ég er nú farinn að eldast,“ svarar hann en 50 ár verða á næsta ári frá því hann keypti fyrstu vinnuvélina. Hann segist þó vera við góða heilsu og viðurkennir að sér finnist mun skemmtilegra að vera á tækjum heldur en sitja við skrifborðið. 

„Já, já, blessaður vertu. Þetta er flott sko að komast út í náttúruna og vera innan um strákana og bulla við þá og annað slíkt.“


Tengdar fréttir

Með stærstu mannvirkjum landsins

Eitt hundrað og þrjátíu manns á vegum Suðurverks vinna í sumar við að gera hliðarstíflur Kárahnjúkavirkjunar. Stíflurnar við Kárahnjúka verða þrjár en þótt lítið hafi heyrst um tvær þær minni verða þær engu að síður með stærstu mannvirkjum landsins.

Suðurstrandarvegur opnast um helgina

Nýi Suðurstrandarvegurinn klárast á morgun og opnast þá ný tenging milli Suðurlands og Suðurnesja. Loksins, loksins, myndi margur segja, en nú er verið að leggja síðustu metrana af malbikinu á veginn. Honum var fyrst lofað fyrir 12 árum í tengslum við kjördæmabreytingu þegar ákveðið var að Suðurlands- og hluta Reykjaness- og Austurlandskjördæmis yrði steypt í Suðurkjördæmi.

Byggja 10 þúsund tonna frystigeymslu

Eimskip hefur samið við VHE, Kælismiðjuna Frost og Suðurverk um byggingu á 10.000 tonna frystigeymslu á athafnasvæði félagsins í Hafnarfirði.

Lengsti gröfuarmur landsins

Armlengsta grafa landsins dýfir bómu sinni tólf metra oní Atlantsshafið til að grafa fyrir sökkli varnargarða Landeyjahafnar og fær stundum fiska með.

Landeyjahöfn nálgast Vestmannaeyjar hratt

Varnargarðar nýju Landeyjahafnar nálgast nú Vestmannaeyjar hratt og er verktakinn á tveimur vikum búinn með þrjúhundruð metra af sjöhundruð. Þetta stærsta jarðvinnuverk sem nú er unnið að hérlendis mun valda byltingu í samskiptum Eyjamanna við aðra landsmenn.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,5
2
359
MAREL
1,72
43
880.689
ORIGO
1,18
7
175.398
HAGA
0,93
14
268.846
ARION
0,8
26
736.369

Mesta lækkun dagsins


Félag
Br.%
Fjöldi
Velta*
SYN
-0,95
4
33.525
KVIKA
-0,92
25
320.352
EIM
-0,67
3
15.351
ICEAIR
-0,61
81
102.831
REITIR
-0,57
11
151.147
Velkomin á Vísi. Þessi vefur notar vafrakökur. Sjá nánar.