Raikkonen: Við komum sjálfum okkur á óvart

Lewis Hamilton náði nokkuð öruggum ráspól á Moza í dag. Það er hans sjöundi í röð. Hver sagði hvað eftir tímatökuna?

„Ferrari eru mjög nálægt og gott að sjá að það er hörð barátta framundan. Ég er eiginlega orðlaus, ég var betri í Spa. Ég veit ekki af neinu sem ætti að koma í veg fyrir að ég noti nýju, uppfærðu vélina,“ sagði Hamilton sem ræsir fremstur á morgun.

„Við koum sjálfum okkur á óvart. Það er gott að vera hérna á heimavelli og ná bestu tímatöku liðsins í langan tíma,“ sagði Kimi Raikkonen sem ræsir annar á morgun í bíl heimaliðs Ferrari.

„Frábær niðurstaða og við vorum frekar nálægt Lewis, sem er afar jákvætt og hápunktur dagsins. Það er frábært að upplifa stemminguna þegar áhorfendur stökkva á fætur þegar maður kemur framhjá. Mér þætti gaman að standa á verðlaunapallinum með Kimi á morgun,“ sagði Sebastian Vettel sem ræsir í þriðja sæti á morgun einni í bíl heimaliðsins, Ferrari.

„Nico var ekki í vandræðum með afl, hann var í vandræðum með uppstillingu bílsins. Óvæntustu fréttir dagsins eru hversu nálægt Ferrari eru,“ sagði Niki Lauda, ráðgjafi Ferrari liðsins.

„Þetta var gagnlegt skref fram á við og liðið á bak við hana á skilið mikið hrós. Báðir ökumenn stóðu sig vel í dag. Þetta er besta tímataka ársins fyrir okkur,“ sagði James Allison tæknistjóri Ferrari.

„Við þurftum að nota vél sem hefur þegar keyrt sex keppnir. Það er sérstaklega slæmt á braut þar sem afl skiptir jafn miklu máli og á Monza. Ég veit ekki hvort Lewis var að nota allt aflið í vélinni. Það munaði um aflið fyrir mig,“ sagði Nico Rosberg sem ræsir fjórði á morgun á Mercedes bílnum.

Ræsingin er sennilega besta tækifæri Ferrari til að stela stigum af Hamilton á morgun. Mercedes hefur átt erfiðar ræsingar undanfarið en Ferrari hafa verið fljótir af stað. Ljóst er að það er mikil spenna framundan á morgun.

Bein útsending frá keppninni hefst klukkan 11:30 á Stöð 2 Sport á morgun.

Hér fyrir neðan má finna öll helstu úrslit helgarinnar á gagnvirku brautarkorti.