Bandarískir fjölmiðlar: Meintur árásarmaður skaut sjálfan sig

Maðurinn sem talinn er hafa skotið tvo sjónvarpsmenn til bana og sært viðmælenda í beinni útsendingu er búinn að skjóta sjálfan sig. Lögregla segir að hann sé enn á lífi en að hann sé í bráðri lífshættu.

Bandarísk lögregla hafði áður lýst eftir Vester Lee Flanagan, fyrrum starfsmanni sjónvarpsstöðvarinnar WDBJ, sem talinn var tengjast árásinni.

Reuters hefur þetta eftir bandarískum fjölmiðlum og sem segja Flanagan hafa skotið sig á I-66 hraðbrautinni í Fauquier-sýslu.

Fréttakonan Alison Parker og myndatökumaðurinn Adam Ward, 27 ára, voru skotin af árásarmanninum þegar bein útsending stöðvarinnar WDBJ stóð yfir á Bridgewater-torgi í bænum Moneta í Virginíu klukkan 6:45 að staðartíma í morgun.

BREAKING NEWS: Alleged shooter of two Virginia journalists has shot himself: local ABC affiliate Twitter account

— Reuters Top News (@Reuters) August 26, 2015