Bein útsending: Brekkusöngurinn og blysin

Það styttist óðum í hápunkt Þjóðhátíðar en brekkusöngurinn hefst innan skamms. Hann verður í beinni útsendingu hér á Vísi en einnig á Stöð 2, Bylgjunni og FM957. Bein útsending hefst á miðlunum klukkan 23.15.

Líkt og undanfarin ár verður það Ingólfur Þórarinsson veðurguð sem mun leiða gesti hátíðarinnar áfram líkt og undanfarin tvö ár. Ingólfur var nokkuð rámur er fréttamaður ræddi við hann í Eyjum fyrr í kvöld.

„Röddin er svona sjö komma fimm. Hún er aðeins ryðguð,“ segir Ingólfur. „Sem betur fer skiptir ekki öllu máli hvort ég sé að syngja hérna í kvöld heldur aðallega að hinir fimmtán þúsund syngi og þá sleppur þetta alveg.“

Beina útsendingu frá brekkusöngnum má sjá og heyra hér að ofan en hér fyrir neðan má sjá innslag úr fréttum Stöðvar 2 frá Eyjum. Þar var meðal annars rætt við þá sem sjá til þess að dalurinn sé hreinn og fínn fyrir kvöldið og fáeina ferska gesti hátíðarinnar.

#DALURINN Tweets