Jonathan Mitchell til liðs við ÍR

ÍR gekk í dag frá samkomulagi við bandaríska leikmanninn Jonathan Mitchell um að leika með liðinu á næsta tímabili.Mithchell ætti að vera íslenskum körfuknattleiksaðdáendum kunnugur en hann lék með Fjölni á síðasta tímabili.

Mitchell sem er rúmega 2 metrar á hæð lék seinni hluta leiktíðarinnar með Fjölni og sló í gegn þann stutta tíma sem hann var hjá félaginu. Var hann næst stigahæstur í deildinni með 26,7 stig að meðaltali í leik ásamt því að rífa niður 10,7 frákast.

Þá var hann þriðji í framlagi í deildinni með 30,2 framlagsstig að meðaltali í leik og ætti hann því að styrkja ÍR-liðið gífurlega.