Írar samþykkja hjónaband samkynhneigðra í þjóðaratkvæðagreiðslu

Óvenjugóð þátttaka var í þjóðaratkvæðagreiðslu um hvort lögleiða eigi hjónabönd samkynhneigðra sem fram fór á Írlandi í gær.

Talning atkvæða hófst klukkan átta í morgun en Aodhan O’Riordain, jafnréttismálaráðherra Írlands, sem fylgist með talningunni, tísti í morgun að hann væri sannfærður um á tillagan hafi verið samþykkt, eftir að hann sá atkvæði úr fyrstu kjörkössunum í Dyflinni.

„Niðurstaðan er já og það með yfirburðum í Dyflinni. Í dag er ég stoltur af því að vera Íri,“ skrifaði ráðherrann á Twitter. Þetta er í fyrsta skipti í veraldarsögunni sem boðað er til þjóðaratkvæðagreiðslu um lögleiðingu á hjónabandi samkynhneiðra. Nokkrir talsmenn þeirra sem voru á móti lögleiðingunni hafa nú þegar viðurkennt ósigur sinn, segir á fréttasíðu BBC.

Kjörsókn í höfuðborginni Dyflinni, Limerick og Waterford fór yfir 60 prósent og víðast hvar annars staðar var hún vel yfir 50 prósentum. Búist er við að talningu ljúki síðdegis í dag.

I'm calling it. Key boxes opened. It's a yes. And a landslide across Dublin. And I'm so proud to be Irish today. #MarRef

— Aodhán Ó Ríordáin TD (@AodhanORiordain) May 23, 2015