Jakob Örn færir sig um set í Svíþjóð

Drekarnir frá Sundsvall missa Íslending frá félaginu daglega um þessar mundir.

Ragnar Nathanaelsson er farinn heim og gekk í raðir Þórs frá Þorlákshöfn á nýjan leik.

Nú er Jakob Örn Sigurðarson búinn að skrifa undir tveggja ára samning við Boras Basket. Þetta er mikið högg fyrir Sundsvall enda hefur Jakob verið lykilmaður hjá félaginu síðustu ár.

Þá standa eftir þeir Hlynur Bæringsson og Ægir Þór Steinarsson hjá Sundsvall.

Forráðamenn Boras eru hæstánægðir með að fá Jakob í sínar raðir enda hafi hann gert liðinu lífið leitt í sex ár.

Boras komst í undanúrslit í sænsku deildinni á nýliðnu tímabili rétt eins og Sundsvall.