Viðskipti innlent

Markaðsmisnotkunarmálið: Svaf yfir sig og á meðan lækkuðu bréfin í verði

Kolbeinn Tumi Daðason og Sunna Kristín Hilmarsdóttir skrifa
Pétur Kristinn lengst til vinstri á myndinni ásamt lögmönnum sínum.
Pétur Kristinn lengst til vinstri á myndinni ásamt lögmönnum sínum. Vísir/GVA

Björn Þorvaldsson saksóknari las upp úr símtali sem Pétur Kristinn Guðmarsson átti við samstarfsmann sinn hjá Kaupþingi að morgni 3. apríl 2008. Með símtalinu var ætlun saksóknara að sýna fram á að Pétur og aðrir ákærðu í markaðsmisnotkunarmáli fyrrverandi starfsmanna Kaupþings hafi vísvitandi verið að halda uppi verðinu á bankanum.

Björn las upp úr símtali þeirra félaga þar sem Frosti Reyr Rúnarsson, starfsmaður Kaupþings, hringir í Pétur Kristinn sem hafði sofið yfir sig. Þar greinir Frosti Reyr frá því að verðið í Kaupþingi hafi lækkað um 4%.

„Ekki fokka í mér,“ voru viðbrögð Péturs Kristins.

„Jú svona er þetta bara kallinn minn ég er ekki að fokka í þér. Ef kallinn er ekki með puttann á púlsinum þá er stokkurinn dauður.“

Þá svarar Pétur hvort hann eigi „ekki bara að hjóla í þetta núna“?

Lögðu fram stór tilboð í upphafi dags
Með þessu vildi Björn sýna að ástæða símtals Frosta í Pétur hefðu verið lækkun hlutabréfa, sem Pétur átti þá að ganga í að laga.

Pétur er ákærður, ásamt Birni Sæ Björnssyni, sem einnig starfaði við eigin viðskipti Kaupþings, fyrir að hafa í upphafi hvers viðskiptadags lagt fram stór tilboð í hlutabréf í Kaupþingi með litlu innbyrðis verðbili í tilboðabækur kauphallanna.

Þeir hafi með háttsemi sinni haft óeðlileg áhrif á verð í hlutabréfum bankans og því gerst sekir um markaðsmisnotkun. Stunduðu þeir hana að undirlagi yfirmanna sinna, þeirra Hreiðars Más Sigurðssonar, Sigurðar Einarssonar, Ingólfs Helgasonar og Einars Pálma Sigmundssonar.

Tölva saksóknara gaf sig
Í kjölfar þess að Björn las upp úr símtalinu bað Pétur um að fá að sjá Kauphallarhermi saksóknara, sem sýnir markaðshreyfingar á þeim tíma sem ákæran nær til. Að honum yrði varpað á skjáinn. Ekki tókst betur til en svo að gera þurfti hádegishlé þar sem tölva saksóknara virkaði ekki sem skildi. Eftir hádegi gekk það betur.

Björn gekk á Pétur eftir hádegi og spurði hann hvað hefði gerst hefðu þeir ekki lagt fram tilboð í upphafi dags. Hvort þessi 4% lækkun sýndi ekki glögglega hversu miklu máli skipti að tilboð yrðu lögð fram? Lækkunina mætti rekja til þess að Pétur svaf yfir sig?

„Ég held að þetta segi ekki neitt um það. Hann segir mér bara að stokkurinn hafi farið niður um 4%,“ sagði Pétur.

Aðspurður um ummæli Frosta um að stokkurinn verði dauður sé Pétur ekki með puttann á púlsinum sagði Pétur Frosta eiga við að það væri lítill seljanleiki.

„Já, nei og ég veit það ekki“
Þá spurði saksóknari Pétur um hvað það þýddi að „skrúfa þetta bara upp“. Svaraði Pétur því til að það þýddi að kaupa. Mögulega hefði verið gott tækifæri að kaupa af því að bréfin höfðu lækkað.

Aðspurður hvort að hlutabréfaverð hefði verið búið að lækka þennan morgun sagði Pétur:

„Ég veit það ekki. Ég er á nærbuxunum uppi í rúmi að uppgötva það að ég er of seinn í vinnuna og vissi ekki hvort þetta hefði ekki lækkað, en það hafði ekki gerst.“

Aðspurður um hvað gerðist ef Pétur og starfsmenn Kaupþings lögðu ekki fram tilboð í upphafi dags, hvort að verðið myndi ekki lækka svaraði Pétur:

„Svarið er já, nei og ég veit það ekki.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.