LeBron kominn fram úr Patrick Ewing

LeBron James er búinn að klifra stigalistann í NBA-deildinni í vetur og er nú kominn í 20. sæti listans.

Nú síðast fór James upp fyrir Patrick Ewing á stigalistanum en hann er búinn að skora 24.816 stig á ferlinum.

Áfanginn náðist í sigurleik gegn Miami þar sem James skoraði 23 stig.

Næsti maður sem James þarf á ná á listanum er Jerry West en hann skoraði 25.192 stig á 14 ára ferli í deildinni. Hann mun væntanlega ekki ná West í vetur en ætti að gera það snemma á næstu leiktíð.