Lífið

Eignaðist fimm börn á þremur árum: „Hvernig á ég að fara að þessu?“

Jóhann Óli Eiðsson skrifar
Úr þættinum í kvöld
Úr þættinum í kvöld vísir/stöð 2
Ósk Stefánsdóttir og eiginmaður hennar, Bandaríkjamaðurinn Greg Eiden, eiga líklega Íslandsmet í að eignast mörg börn á skömmum tíma. Þeim fæddust tvíburadætur árið 2010 og þegar þau ætluðu sér að bæta við þriðja barninu varð Ósk ófrísk að þríburum.

„Börnin urðu því fimm á þremur árum,“ segir Ósk í fyrsta þætti af Margra barna mæðrum sem er í umsjón Sigrúnar Óskar Kristjánsdóttur og verður sýndur á Stöð 2 í kvöld.

Í þættinum kemur einnig fram að Ósk hafi brostið í grát í sónarskoðun hjá lækni sem tilkynnti henni að fóstrin væru ekki eitt og ekki tvö, heldur þrjú. „Ég sagði bara: Hvernig á ég eiginlega að fara að þessu?“ Maðurinn hennar gat hins vegar ekki hætt að hlæja. Bæði eru sammála um að það hafi á margan hátt verið auðveldara að hugsa um þríbura en tvíbura, enda hafi þau verið komin í góða æfingu.

Þátturinn er á dagskrá Stöðvar 2 í kvöld kl. 20.05 en meðfylgjandi er stutt myndbrot.


Tengdar fréttir

Mæðir á margra barna mæðrum

Leyndardómar ofurkvennanna afhjúpaðir. Sigrún Ósk velti fyrir sér hvernig margra barna mæður færu að eftir að hún eignaðist sín börn, leitaði til þeirra og úr varð sjónvarpssería.






Fleiri fréttir

Sjá meira


×