Mercedes sýnir mátt sinn

Nico Rosberg á Mercedes sýndi hvað býr í bílnum á öðrum degi síðustu æfingalotunnar. Hann setti gríðarlega góðan tíma á Katalóníubrautinni.

Tími Rosberg var 1:22,792 sem er einni sekúndu frá besta tíma sem náðst hefur á brautinni í kappakstri. Þjóðverjinn fylgdi því eftir örfáum mínútum seinna með ögn lakari tíma.

Valtteri Bottas varð annar í dag, þó rúmri sekundu á eftir Rosberg. Felipe Nasr á Sauber var ekki langt á eftir honum með fjórða hraðasta tímann.

Sebastian Vettel á Ferrari varð fjórði rúmlega tveimur og hálfri sekúndu á eftir Rosberg. Fyrir utan hraða Mercedes bílsins er stærsta frétt dagsins sú að McLaren bíllinn sem hefur verið sá óáreiðanlegsti á árinu, rauf loksins 100 hringja múrinn með 101 hring. Jenso Button var í bílnum í dag. Bíllinn bilaði svo rétt undir lok dagsins. En stór áfangi fyrir McLaren.

Force India frumkeyrði 2015 árgerðina af sínum bíl í dag. Nico Hulkenberg var við stýrið, hann var reyndar hægastur allra en komst þó 77 hringi sem lofar góðu.